Van allen alsulken questien en(de) gescillen als uuytstaen(de)/ zijn tusschen janne pynnock ter eenre ende/ arnde van landene(n) die wynne es desselfs jans/ te binswijck ter ande(r) zijden hebben hen de selve/ p(ar)tien gesubmitteert en(de) verbonden in segge(re)n en(de)/ mi(n)like yffene(re)n te weten(e) de voirs(creven) jan pynnock/ in henricke vanden ca(m)pe en(de) janne mathijs/ beyde van herent ende de voirs(creven) wynne in ja(n)ne/ van hoevelde en(de) janne danijs in sulker vuegen/ dat de voirs(creven) segge(re)n van p(ar)tien gescillen informacie/ sullen nemen tusschen dit en(de) van heden in acht/ dagen naistcomen(de) ende dae(re)ntynden hue(r) eendrach/ tige uuytsprake d(aer)af doen bynne(n) viii dagen/ d(aer)nae volgen(de) op dat zijs eens co(n)ne(n) gewordden/ En(de) oft zij des niet en ov(er)come(n) sullen zij eene(n)/ ov(er)man moegen neme(n) die zijne uuytsprake/ d(aer)af sculdich sal sijn te doen(e) bynne(n) viii/ dagen d(aer)nae volgen(de) P(ro)mitten(tes) ratu(m) cora(m)/ boxho(r)en tybe septe(m)br(is) xxv