Alsoe als ten v(er)volghe jans ende henricx robbijns gebruede(re)n/ geleydt zijnde nae den rechte van des(er) stad uuyt crachte/ van scepen(en) brieve(n) van loven(e) tot alle den goede(n) beide/ have en(de) erve willems robbijns huers brued(er) soe wair/ die gelegen zijn gescreve(n) es met geweest met brieve(n)/ van des(er) stadt aen den meye(r) van ned(er)lynthe(r) oft zijne(n)/ stadhoude(r) hen alle de selve goede te leve(re)n ende te/ doen volgen ende ond(er) den ande(re)n goirde zelkarts/ molde(r) oft hij tege(n) de leveri(n)ge yet hadde wille(n) allege(re)n/ dach van rechte alhier te co(m)pare(re)n tot eene(n) seke(re)n daghe/ van rechte inde banck voir meye(r) ende scepen(en)/ van loven(e) doen besceyden Tot welken dage de voirs(creven)/ goirdt noch p(ro)cur(eur) van zijne(n) wege(n) en es geco(m)pareert/ den voirs(creven) geleidden co(m)pare(re)nde ende trecht voirt v(er)sueken(de)/ soe hebben de scepen(en) van loven(e) nae dat hen behoirlijck/ gebleken es bij r(e)scripte des stadhouders des meyers/ van ned(er)lynthe(r) de leveri(n)ge en(de) dachbesceydi(n)ge/ voirs(creven) geschiet te zijne ter maniss(en) smeyers gewesen/ voir een vo(n)nisse datme(n) den voirs(creven) geleidden vande(n)/ voirs(creven) goede(n) houde(n) soude inde macht van hue(re)n scepen(en)/ brieve(n) beleide tot hue(re)n wettige(n) gebreke behoef/ cora(m) o(mn)ibus de(m)pt(o) vynck hove naus(nijdere) augusti xiiii