It(em) henrick van vlaende(re)n ter eend(er) en(de) jehan tolifa/ sone wilen wouters le tolifa van lymale ter ande(r)/ zijden in p(rese)ncia hebben gekint en(de) gelijdt dat zij/ met malcande(re)n mynlijck aengaen(de) alsulken/ seven(en) mudde core(n)s erflic die de voirs(creven) henrick/ van vlaende(re)n heeft aen en(de) op zeke(re) goede ende/ onderpande lijsbette(n) roels sweg(er) de voirs(creven) jans geleg(en)/ ind(er) p(ro)chien van rixe(n)sart ende lymale ende d(aer)omtri(n)t/ eenswordden ende v(er)accordeert zijn der pointe(n) cond(ici)[en]/ ende voirw(eer)den hier nae verclaert due(re)nde de/ leefdage des voirs(creven) henricx oft jans ende niet lange(r)/ die zij malcande(re)n geloeft hebben tonderhoude(n) soe/ lange zij beide leven sullen en(de) niet lang(er) Te/ weten(e) yerst dat de voirs(creven) jan de tolifa inde stadt/ vanden voirs(creven) vii mudde(n) core(n)s erflic den voirs(creven)/ henricke van vlaende(re)n bekynne(n) sal voir scepen(en)/ van loven(e) vii hollan(sche) guld(en) rijfrinte(n) ten live des/ voirs(creven) henricx jairlijcx s(in)te andriesmisse vallen(de)/ ende o(n)begrepen p(ri)ma maii d(aer)naist volgen(de) te/ betalen(e) ende te love(n) inden wissel te leve(re)n in/ behoirliker forme(n) behalve(n) dat de voirs(creven) henrick/ hem mette(n) selve(n) brieve niet voirde(r) noch/ langhe(r) en sal behulpe(n) dan soe langhe hij henrick/ en jan beyde gader livich ende leven(de) sullen sijn/ Ende soe vollic e(n)nich van hen beyden aflivich/ sal sijn dat dan de voirs(creven) henrick soe v(er)re hij/ janne ov(er)leefde en(de) zijn kinde(re) nae zijn doot soe/ v(er)re hij dierste aflivige wa(r)e sullen staen op hue(r)/ beloop van rechte met hue(re)n brieve(n) op hue(r)/ onderpande [om de voirs(creven) vii mudde(n) core(n)s erflic jairlijcx te v(er)volge(n) ter plaetse(n) daer dat behoirt En(de) es oic voirw(eer)de dat de voirs(creven) henr(rick) due(re)nde desen tractate en(de) den selve(n) niet tegenstaen(de) opde ond(er)pande] naevolgen(de) zijne(n) brieve(n) oft mette(n)/ scepen(en) brieve(n) van loven(e) dwelc van beiden/ hem best gelieve(n) sal sal moege(n) behulpe(n) be/ halve(n) dat de voirs(creven) jan due(re)nde den voirs(creven) tractate/ gelijc voirs(creven) es met jairlijcx betalen(e) de voirs(creven)/ vii hollan(sche) guld(en) tsjaers gestaen sal cora(m) berghe/ berghe octobr(is) p(ri)ma