Condt zij allen lieden dat jorijs geheete(n) vand(er) vare(n)t/ geheete(n) cole sone wilen claes in p(rese)ncia heeft genome(n)/ en(de) bekint genome(n) te hebben(e) tegen rolofve roelofs/ alle alsulken lande als de selve roelofs liggen(de) heeft/ te wynghe Te houde(n) te hebbe(n) en(de) te wynne(n) van/ halfm(er)te lestlede(n) eene(n) termijn van sesse ja(r)en lang/ due(re)nde deen nae dand(er) sond(er) muddel v(er)volgen(de)/ elcx jairs dae(re)nbynne(n) om en(de) voir vijfthien mudde(n)/ core(n)s pag(abilis) cu(m) va(nn)[o] mensu(r)e lovan(iensis) alle ja(r)e ts(in)[t]/ andriess(miss)[e] ap(oste)ls te betalen(e) en(de) te wynghe te leve(re)n/ quol(ibe)t ass(ecutu)[m] met condicie(n) en(de) voirweerden hier/ nae bescreve(n) Te weten(e) yerst dat de voirs(creven)/ jorijs jairlijcx den voirs(creven) t(er)mijn due(re)nde inden name/ en(de) van wegen des voirs(creven) roelofs de voirs(creven) vijfthien
//
mudden core(n)s leve(re)n sal henricke van raveschote/ in afslage van alsulken coren(en) als de voirs(creven) roelof/ den voirs(creven) henricke jairlijcx sculdich es en(de) alsoe/ in tijts dat de voirs(creven) roelofs daer bij egheene/ en hebbe It(em) es voirw(eer)de dat de voirs(creven) jorijs/ de strate(n) d(aer)aen de voirs(creven) lande gelegen sijn soe/ wa(n)neer me(n) die gebiede(n) sal te maken(e) sal doen/ maken op zijne(n) cost en(de) dies sal hij hebbe(n)/ tru(n)chout aen de voirs(creven) lande wassen(de) It(em) es voirw(eer)de/ dat de voirs(creven) wynne de voirs(creven) lande wynne(n)/ werve(n) ende meste(n) sal gelijc reengenoote(n) bove(n)/ en(de) benede(n) ende die laten tzijne(n) afsceyden te/ weten(e) doverste wyng(er)velt en(de) tpaenhuys velt/ besaeyt met rogghe en(de) dande(re) lande sal hij/ laten soe die nu zijn te weten(e) de stortte/ o(m)megedaen It(em) es voirw(eer)de dat de voirs(creven) wynne/ tzijne(n) lesten jai(r)e allet stroo vanden voirs(creven) lande(n)/ comen(de) sal moegen bekee(re)n tzijne(n) p(ro)ffijte en(de)/ dies sal hij sculdich zijn den voirs(creven) roelande te/ coopen(e) en(de) te betalen(e) omtri(n)t loven(e) twintich/ mudden duyve(n)mest love(n)sche mate en(de) thien/ mudde(n) duyve(n)mest thienssche mate omtrint/ thiene(n) mair hij saelt moege(n) leve(re)n ter/ plaetsen daer hijt coopt En(de) alle dese voirw(eer)den (et)c(etera)/ Cor(am) g(odefrido) berghe vynck m(ar)cii ulti(m)a