Nae dien jouffr(ouwe) katline va(n) dongelb(er)ge wed(uw)[e] jans wile(n) vande(n)/ tymple als geleydt nae des(er) stadt recht voir hue(r) wettich/ gebreck uuyt crachte van scepen(en) brieve(n) va(n) loven(e) tot alle/ den goede(n) beyde have en(de) erve huyghens wilen roelofs huer met/ brieve(n) va(n) des(er) stadt gescreve(n) aen den meye(re) van he(re)nt oft zijne(n)/ stedehoude(re) te ned(er)ijssche heeft doen leve(re)n de helicht vande(n)/ hove geh(eten) ter saert soe v(er)re dat de(n) voirs(creven) wile(n) huyge(n) toebe/ hoirde ende janne van berthe(m) roelofs sone die de selve goede/ van nad(er)scape(n) heeft gequete(n) uuyt hande(n) sgoidshuys van/ gruene(n)dale die die te vo(r)en hadden gecocht tege(n) hee(re)n ja(n)ne/ van tainteville ridde(re) vrouwe barbele(n) roelofs zijnd(er) mede/ gesellinne(n) en(de) dexecuteurs vande(n) testame(n)te desselfs wile(n)/ huyghs dach va(n) rechte alhier te co(m)pare(re)n hadde doen be/ sceyden Tot welke(n) daghe de voirs(creven) jan co(m)pare(re)nde inde/ banck voirs(creven) dede seggen dat hij hadde seke(re) r(e)leva(n)te(n)/ die vande(n) voirs(creven) goede(n) geloeft hadden genoech te doen(e)/ d(aer)toe hij dach begheerde en(de) v(er)socht om dit den selve(n) zijne(n)/ r(e)levante(n) te cu(n)digen en(de) hen te waerscouwe(n) oft zij he(m) en(de)/ zijn goede in des(en) soude(n) wille(n) v(er)antw(eer)den welke(n) dach hem/ met vo(n)nisse wordt toegevueght Tot welke(n) dage wed(er)om/ co(m)pareerde(n) de voirs(creven) weduwe en(de) jan va(n) berthe(m) ald(aer) de wed(uw)[e]/ dede lesen hue(r) beleydt en(de) acht(er)volgen(de) dien sustineerde zij dat/ hue(r) de geleverde goede sculdich soude(n) zijn te volge(n) tot hue(re)n/ wettige(n) gebreken behoef welke(n) gebreken zij p(rese)nteerde te verifice(re)n/ in tijden en(de) wile(n) als zij d(aer)toe geadmitteert soude wordde(n) D(aer)tege(n)/ de voirs(creven) jan dede segge(n) hoe hij tvoirs(creven) goet hadde gecocht en(de)/ gecrege(n) om zijn p(ro)pe(re) pe(n)ni(n)ge en(de) was d(aer)inne behoirlijc gegoet/ en(de) hadde zijn r(e)levante(n) die he(m) d(aer)af geloeft hadde(n) genoech te/ doen(e) dach besceyde(n) om he(m) te come(n) v(er)antw(eer)den Niet myn wa(n)t zijn/ relevante(n) niet en quame(n) en(de) hij hier af niet doen en mochte/ and(er)s dan met rechte soe v(er)socht hij datme(n) visiteerde/ zijne guedi(n)ge tege(n) tvoirs(creven) beleydt en(de) soe wes de hee(re)n d(aer)op wese(n)/ als rechte daer moest hij wel mede te vrede(n) zijn En(de)/ nae dien tselve beleydt bijde(n) hee(re)n scepen(en) va(n) loven(e) tege(n)/ de voirs(creven) guedi(n)ge gevisiteert es geweest en(de) tselve beleydt/ bevonde(n) wel drie jai(r)en oude(r) dan des voirs(creven) jans guedi(n)ge/ es bij scepen(en) va(n) loven(e) ter maniss(en) smeyers gewijst met/ vo(n)nisse dat d(er) voirs(creven) wed(uw)[en] hue(re)n beleyde volgen/ sulle(n) de geleverde goede tot hue(re)n wettige(n) gebreken behoef/ In sca(m)pno cor(am) berghe berghe vynck naus(nydere) m(ar)cii xxix