Item lodewijck van maerbeke ende jouffr(ouwe) machtelt/ vand(er) calste(re)n zijne huysvr(ouwe) ende jouffr(ouwe) marie/ roelants dochter eemo(n)ts wile(n) roelants die hij/ hadde van voirs(creven) jouffr(ouwe) machteld(e) sijnd(er) huysvr(ouwe)/ als hij leefde ten bij sijne met conse(n)te ende/ ov(er)staen(en) hee(re)n jans pynnock ridders meest(er) lodewijcx/ roelants raet ons gened(ichs) hee(re)n in braba(n)t jans/ blanckaert ende meest(er) jasp(ar)s absoloens als mage(n)/ ende vriende(n) der selver jouffr(ouwe) marie(n) van vaders/ ende der moed(er) zijden hebbe(n) de submisse tusschen/ hen xvii maii lestlede(n) voir scepen(en) van loven(e)/ geschiet vernyeut app(ro)be(re)nde tghene des uuyt/ saken van dier tot des(er) dage toe geschiet es in/ sulker vuegen dat naevolgen(de) den gescriften in/ wed(er)zijde ov(er)gegeve(n) zij sulle(n) leyden hue(re)n thoen/ bynne(n) ii weken naistc(omende) [beyden] ov(er)geven(de) elc den ande(re)n/ dat zij sulle(n) moege(n) leyden wethouders in turbe(n)/ ende ande(r) getuyge(n) in sulker mate(n) oft zij be/ hoirlijc wae(re)n geco(m)pelleert dat de voirs(creven) segghers/ bynne(n) drie weken d(aer)nae sulle(n) doen ende p(ro)nu(n)/ cie(re)n hue(r) vo(n)nisse arbitrael soe v(er)re zij v(er)accorde(re)n/ ende sulle(n) de selve arbiters dat nae die drie/ weken noch een mae(n)t moege(n) continue(re)n op/ dat hen gelieft ende soe v(er)re sij niet en v(er)accordeerde(n)/ p(rese)nt in submissio(n)e ende als vande(n) gescillen tussche(n)/ den voirs(creven) gehuyschen ende de weduwe lodewijcx/ wile(n) roelants als vand(er) huweliker voirw(er)den die/ wilen eemonde soude zijn toegeseet ende des/ dien ae(n)cleeft ende niet vorde(r) sulle(n) de voirs(creven)/ gehuysschen bynne(n) acht dage(n) naistc(omende) hue(re)n eysch/ der voirs(creven) weduwe(n) ov(er)geve(n) d(aer) op sij antw(er)den/ sal bynne(n) acht dagen d(aer)nae en(de) oft d(aer) thoen inne/ valt sal p(ar)tie des behoeven(de) dien p(ro)duce(re)n bynne(n)/ acht dage(n) die d(aer)nae come(n) sulle(n) om vorts gedaen/ te wordde(n) soe vand(en) ande(re)n gescille(n) tussche(n) hen/ ende die docht(er) p(ro)mitten(tes) ratu(m) renu(n)c(ians) cora(m)/ g(odefrido) berghe hove septe(m)br(is) iii