Vand(er) questie(n) die geweest is voir den raide vand(er) stadt/ tussche(n) janne de witte den jonge(n) ter eenre ende der/ vrouwe(n) die wijf es jans van oucle ter ande(r) zijden/ om der come(n)tscap wille vande(n) huyse oft ca(m)me geh(eeten)/ ts(in)t jorijs gelege(n) inde wierinck die de voirs(creven) jan voir/ tijden hadde gecocht tege(n) den voirs(creven) gehuyssche(n) de welke/ hij seyde dat hij vorts hadde vercocht eene(n) geheete(n)/ de smet van weerde ov(er)ijssche voir den selve(n) prijs dat/ hij die voi(r)e hadde gecocht ende dat met consente en(de)/ ten bij sijne vand(er) selver vrouwe(n) Seyde vorts dat/ in dier lester come(n)tscap voirw(er)de was tussche(n) coope(r)/ ende vercoope(r) dat de coope(r) soe saen hij inde ca(m)me/ soude come(n) aflegge(n) soude t(er) stont eene(n) vande(n) achtien(en)/ rijders den pe(n)ni(n)ck xviii bynne(n) twee jae(re)n d(aer)nae eene(n)/ der selver rijders ende bynne(n) den derde(n) jae(r) noch eene(n)/ ende al den pe(n)ni(n)ck xviii dat de voirs(creven) vrouwe/ de pe(n)ni(n)gen d(aer) af heffen soude ende dat zij dat/ alsoe consenteerde ende dat voirt voirw(er)de was/ datme(n) tbrugereck vand(er) selv(er) ca(m)men vorts soude/ v(er)coope(n) ende dat de pe(n)ni(n)gen d(aer) af comen(de) souden/ comen in hande(n) des voirs(creven) jans ende der vrouwe(n)/ om den selve(n) janne d(aer) af te trecken(e) ende inne te/ behouden(e) de pe(n)ni(n)ge van twee rijders erflic die/ hij huer afgeleet hadde ende soe wes bove(n)/ dien twee rijders overde dat soude der selv(er)/ vrouwe(n) come(n) en(de) volgen ende soude(n) die den voirs(creven)/ smet cortte(n) aen xviii rijders vande(n) coope Dat al/ des svoirs(creven) es was geschiet bij voirgaen(de) raide en(de)/ conse(n)te van hue(re)n man nochtans dat zij een/ coopwijf es en(de) dagelijcst come(n)tscap van huyse(n)/ ende erflich(eit) ende dat zij mits desen vande(n)/ voirs(creven) janne ende yerste come(n)tscap te vreden/ was en(de) soude den lesten coope(r) de selve guedi(n)ge/ doen die zij den voirs(creven) janne de witte soude/ moeten doen wa(n)t zijne guedi(n)ge noch open/ stont Welken pointe(n) hij p(rese)nteerde te thoene(n)/ hopen(de) voir zijne co(n)clusie dat hij der come(n)tscap
//
soude zijn ongehoude(n) ende dat zij de guedi(n)ge/ den voirs(creven) smet sculdich soude zijn te doen(e) D(aer) op de/ voirs(creven) vrouwe met hue(re)n ma(n)ne antw(er)den dat/ hen van dien des voirs(creven) jans voirnemen(en) niet/ genoech en conde verwonde(re)n ontkynnen(de) hem zijn/ vermet sunderlinge dat zij hem vand(er) yerster/ come(n)tscap quyt gescoude(n) soude hebbe(n) Es bijden/ raide vand(er) stadt den thoen des voirs(creven) jans yerst/ aengehoirt die dleste v(er)mete(n) ende ontkinde/ point niet genoech en volqua(m) dat de voirs(creven)/ jan de witte niet genoech gethoe(n)t en heeft om/ vand(er) yerster come(n)tscap o(n)gehoude(n) te zijne mair/ heeft hij e(n)nich gebreck die voldaen zijnde/ dat hij tselve zijn gebreck volge(n) mach met/ rechte in pleno (con)s(ili)[o] septe(m)br(is) v