SAL7774, Act: V°104.1 (207 of 1059)
Search Act
previous | next
Act V°104.1  
Act
Date: 1487-10-02

Transcription

2022-10-20 by Magda van Winkel
Alsoe als ten vervolghe jans de waerseghe(re)/
geleydt zijnde nae den rechte van des(er) stadt/
uuyt crachte van scepen(en) brieve(n) van loven(e) tot/
alle den goeden beyde have en(de) erve henricx/
en(de) arnts wilen coel en(de) jans coel soe waer/
die gelegen sijn gescreve(n) es geweest met brieve(n)/
van des(er) stadt aen den meye(re) van zichen(en) oft zijne(n)/
stadhoude(re) te houdert alle de selve goede te/
leve(re)n den voirs(creven) geleidden oft den voirs bring(er)/
der voirs(creven) ons(er) brieve(n) in zijne(n) name Ende den/
voirs(creven) janne cole janne reers zijnd(er) huysvr(ouwen) en(de)/
hue(r) kinde(re) oft zij tege(n) de voirs(creven) leveri(n)ge yet/
hadde willen allege(re)n dach van rechte alhier te/
co(m)pare(re)n op heden dienen(de) inde banck voir meye(r)/
en(de) scepen(en) van loven(e) doen besceyden ald(aer) de/
voirs(creven) p(er)sone(n) noch nyema(n)t van huere(n) wegen/
en es geco(m)pareert den voirs(creven) geleidden co(m)pare(re)nde/
en(de) trecht vort versueken(de) Soe hebben de scepen(en)/
van loven(e) yerst aengehoirt woute(re)n boenrode bode/
van des(er) stadt die cleerde bij zijne(n) eede de le/
veri(n)ge ende dach besceydi(n)ge voirs(creven) geschiet te/
zijne ter maniss(en) smeyers gewesen voir een/
vo(n)nisse datmen den voirs(creven) geleidden vand(en) voirs(creven)/
goeden houden soude inde macht van zijne(n) scepen(en)/
brieve(n) beleide soe v(er)re het noch voir hen scepen(en)/
comen es eisd(em)
ContributorsJef Willemsens
Moderated byJef Willemsens
Last update: 2018-07-16 by The Administrator