Vand(er) questien die opv(er)staen geweest es tussche(n) den/ eerw(eer)digen hee(r) hee(re)n diericke van gruene(n)dale doctoir/ inden geesteliken rechten ter eend(er) zijden en(de) pete(re)n/ alarts scrynmake(r) ter ande(r) zijden aengaen(de) den/ twiste dien zij tegen malcande(re)n van huer(er) beid(er)/ erve neve(n) een gelegen ende des d(aer)aen cleeft hebbe(n)/ hen de selve p(ar)tien eendrachtelijck gesubmitteert en(de)/ verbonden inde eendrechtige uuytsprake vande(n) drie/ stadt meest(er)s in sulker vuege(n) dat zij gesame(n) der
//
te geliken coste sulle(n) doen vergade(re)n den meest(er)s/ opden gro(n)t bynne(n) acht dage(n) naistcomen(de) d(aer) elc der/ voirs(creven) p(ar)tien zijn gebreck sal moege(n) mu(n)delinge/ opdoen Ende oft alsdan e(n)niger p(ar)tien thoen behoefde/ sullen zij dien leiden bynne(n) behoirlike(n) tijde die de/ meest(er)s d(aer)toe ordine(re)n sulle(n) ende nae dat de selve/ meest(er)s volcome(n) informacie gehadt sulle(n) hebbe(n) sulle(n)/ zij bynne(n) den xl dagen oft eer op dat hen moegelijck/ zij hue(r) uuytsprake d(aer)af doen soe zij nae recht oft huer(er)/ consciencie(n) bevi(n)den sulle(n) behoiren(de) ende soe wie/ vande(n) voirs(creven) p(ar)tien int o(n)gelijck alsdan sal wordde(n)/ bevonde(n) sal den ande(re)n zijne(n) cost oprichten Promitten(tes)/ ratu(m) renu(n)c(ians) cora(m) g(odefrido) berghe naus(nijdere) octobr(is) iii