Alsoe als ten vervolghe willems van lele als p(ro)cur(eur)/ hee(re)n wouters van brandeborch ridders man en(de) mo(m)boir/ vr(ouwen) katline(n) foets zijnd(er) medegeselli(n)nen die met/ scepen(en) brieve(n) van loven(e) ov(er)lang gepass(eer)t heeft/ en(de) houden(de) es aen en(de) op eene woeni(n)ge mette(n)/ huysen hoven drie vive(re)n wijngaerde en(de) ande(re)n/ hue(re)n toebehoirte(n) jans wilen van erenberghe/ sesse mudde tarwen der mate(n) van thiene(n)/ erfpachts gescreve(n) es geweest met brieven/ van des(er) stadt aen den meye(re) vand(er) gheten oft/ zijne(n) stadhoude(re) te lare hem alle de selve goede/ te leve(re)n en(de) te doen volgen Ende janne/ van eirenberghe oft hij tegen de voirs(creven) leveri(n)ge/ yet hadde willen allege(re)n dach van rechte op/ heden dienen(de) alhier te co(m)pare(re)n inde banc voir/ meye(re) en(de) scepen(en) van loven(e) doen besceyde(n) ald(aer)/ de voirs(creven) jan noch nyema(n)t van zijne(n) wege(n)/ en es geco(m)pareert den voirs(creven) p(ro)cur(eur) co(m)pare(re)nde/ ende trecht voirt v(er)sueken(de) Soe hebben de/ scepen(en) van loven(e) yerst aengehoirt pauwelse/ bierman bode van des(er) stadt die cleerde/ bij zijne(n) eede de leveri(n)ge ende dach bescey/ dinge bijden voirs(creven) offic(ie)r nae inhoudt der/ voirs(creven) v(er)suecbrieve(n) behoirlijck gedaen te zijne/ ter maniss(en) smeyers gewesen voir een vo(n)nisse/ datmen den voirs(creven) p(ro)cur(eur) tot behoef als voi(r)e/ houden soude inde macht van zijne(n) scepen(en)/ brieve(n) soe v(er)re het noch voir hen scepen(en) comen/ es In sca(m)pno p(rese)nt(ibus) o(mn)ib[(us)] de(m)pt(is) pynnock scoonvorst/ hove m(ar)cii xxix