SAL7775, Act: R°129.2 (191 of 763)
Search Act
previous | next
Act R°129.2  
Act
Date: 1489-11-07

Transcription

2020-12-15 by Karel Embrechts
Nae dien g(er)truydt van schore met die behoir/
lijke rastemente(n) voir gebreck van huyshue(re)n/
gevolght heeft op zeke(r) goede henricx de greve/
en(de) den selve(n) henricke dach van rechte bescheide(n)/
Tot welken daghe de voirs(creven) henrick nog nyema(n)t/
van zijnen wegen en es gecompareert om de/
selve goede te v(er)antw(er)den ende de selve g(er)truydt/
die op heden hue(r) scult geverificeert heeft bij/
eede op v rinschguld(en) metten costen d(aer) zij/
met vo(n)nisse toe was geadmitteert trecht vort/
v(er)socht heeft soe es op heden bij scepen(en) van/
loven(e) ter maniss(en) smeyers nae dat hen bij/
cleernissen joes peysmans vorst(er)s es gebleken/
de voirs(creven) drie rastemente(n) en(de) dach bescheydi(n)ge/
behoirlijc geschiet te zijne gewijst met vo(n)nisse/
dat de voirs(creven) g(er)truydt hue(r) geverificeerde scult/
aen de voirs(creven) goede sal moege(n) v(er)halen ende/
ofter yet over dat sal zij sculdich zijn wed(er)/
te kee(re)n en(de) ofter yet gebrect dat zij dat vort/
sal moegen volgen met rechte eisd(em)
Contributorskristiaan magnus
Moderated bykristiaan magnus
Last update: 2018-07-16 by The Administrator