Item daneel van baerdeghe(m) sone wilen robbijns/ van baerdeghe(m) die hij hadde van jouffr(ouwe) alijte(n)/ wilen vand(er) borch zijnd(er) huysvr(ouwe) en(de) d(aer)nae/ huysvr(ouwe) jans wilen van prelijs teer eenre/ jan abeels en(de) jouffr(ouwe) katline van baerdeghe(m)/ zijne huysvr(ouwe) docht(er) der voirs(creven) wilen robbijns/ en(de) jouffr(ouwe) alijte(n) sust(er) des voirs(creven) daneels ter/ ande(r) zijden in p(rese)ncia hebbe(n) gekint en(de) gelede(n)/ dat zij bij raide en(de) avijse van enige(n) hue(re)n/ maghen en(de) vriende(n) als van alle den haeffe/ liken en(de) enige erffelike goede sculde(n) en(de)/ wed(er)sculden gebleven van en(de) nae de doot/ der voirs(creven) hue(re)r oud(er)s en(de) oic nae de doot des/ voirs(creven) wilen jans de preile tweeste man/ d(er) voirs(creven) wilen hue(re)r moed(er) eensworrden en(de)/ ov(er)comen zijn der pointe(n) voirw(er)den en(de) cond(ici)[en]/ hier nae v(er)clart Te weten(e) yerst dat dat de/ voirs(creven) gehuysschen sullen hebben en(de) ae(n)veerden/ alle de haeffelijke goede van huysraide en(de)/ coren(en) greyne sculden en(de) and(er)ssins gebleven/ van en(de) nae de doot des voirs(creven) wilen jans/ / van preille en(de) jouffr(ouwe) alijten alsoe de selve/ goede zijn te thienen inden spiegel behalve(n)/ enige silve(r) juwelen die zij same(n)tlijc gedeilt/ hebben It(em) selen de voirs(creven) gehuysschen oic te/ he(n)weert en(de) op hue(re)n last nemen alle pech/ tingen van landen en(de) thienden die de voirs(creven)/ wilen jan en(de) zijne huysvr(ouwe) te pachte hadde(n)/ mette(n) vruchte(n) en(de) p(ro)ffijten en(de) d(aer)af den voirs(creven)/ daneele costeloes en(de) scadeloes houde(n) en(de) o(n)theffen/ It(em) sulle(n) de voirs(creven) gehuyssche(n) op hue(re)n last nemen/ alle sculden van erf en(de) lijfrinte(n) en(de) ande(r) die(n)/ de voirs(creven) wilen jan en(de) zijne huysvr(ouwe) als pri(n)/ cipale oft borghe sculdich zijn en(de) d(aer)af den/ voirs(creven) daneele en(de) zijn goeden costeloes en(de)/ scadeloes o(n)theffen dwelc zij alsoe geloeft/ hebben ta(m)q(uam) ass(ecutu)[m] En(de) ov(er)mits des voirs(creven) es en(de)/ oic d(er) so(m)men van hond(er)t rinschguld(en) te lx pl(a)c(ken)/ tstuc die de voirs(creven) gehuyssche(n) den voirs(creven) daneele/ moete(n) gheven d(aer)af daneel de lx r(insch)guld(en)/ bekint heeft o(n)tfanghen te hebben(e) en(de) dand(er)/ xl die hij [sij] bewesen hebbe(n) te heffen(e) te/ kers(mis)s[e] naistc(omende) aen gielijse van pa(n)brugghe(n)/ die de selve gielijs den voirs(creven) geh(uysschen) sculdich es/ bebrieft voir scepen(en) van thienen En(de) oft van/ dien xl rinschguld(en) gebreck wa(r)e hebben/ geloeft de selve h gehuysschen den voirs(creven)/ daneele de xl rinschguld(en) te kers(mis)s[e] te/ betalen(e) ta(m)q(uam) ass(ecutu)[m] heeft de voirs(creven) daneel/ gerenu(n)cieert o(mn)i iuri et action(i) sibi in dict(is) mo(bili)[b(us)]/ quolibet co(m)peten(te) Promitten(tes) rat(um) et no(n)/ alloqui alt(er) alt(eru)m cor(am) hermeys naus(nydere) nove(m)br(is)/ xiii