SAL7775, Act: R°172.3 (267 of 763)
Search Act
previous | next
Act R°172.3  
Act
Date: 1489-12-07

Transcription

2020-12-23 by Karel Embrechts
Item al eist dat de voirs(creven) jan dobbel vestich(eit)/
van des(en) rinten gedaen heeft soe es te/
weten(e) dat ge dat gebuert es uuyt dien dat/
dese rinte gecocht es bijde mo(m)boi(r)en jouffr(ouwe)/
machteld(en) baten wed(uw)[e] vrancx wilen pynnock/
inde stadt van alsulken xiii st(uvers) erflic als/
den voirs(creven) armen huysen bij test(ament)e der voirs(creven)/
jouffr(ouwe) machteld(en) gemaict en(de) gelaten zijn Te/
dier meyni(n)gen oft de mo(m)boe(re)n vand(er) clerckca/
pellen dien tregime(n)t vand(en) voirs(creven) huysen toe/
behoirt mette(n) voirs(creven) pande niet te vreden/
en wae(re)n oft dat hen dien niet goetgenoech/
en waer(re)n dat zij tallen tijden alst hen gelieft/
met welker der voirs(creven) twee vestich(eiden) hen/
gelieve(n) sal om betalinge te hebben(e) ende/
den voirs(creven) janne tot hue(re)n maniss(en) ande(re)n/
pant te doen stellen behalve(n) dat de voirs(creven)/
jan altijt met eend(er) betalingen gestaen sal/
eisd(em)
Contributorskristiaan magnus
Moderated bykristiaan magnus
Last update: 2018-07-16 by The Administrator