SAL7775, Act: R°182.2-V°182.1 (285 of 763)
Search Act
previous | next
Act R°182.2-V°182.1  
Act
Date: 1489-12-10

Transcription

2020-12-30 by Karel Embrechts
Ald(aer) voir den raide vand(er) stadt comen zijn joha(n)nes/
gerardus he(n)ricus en(de) claes vasont gebruede(re)n en(de)/
jan storre te kynnen geven(de) hoe onlancx leden/
bijden wille gods aflivich wae(re)n wordden andries/
storre becke(r) brued(er) des voirs(creven) jans en(de) clare vasont/
zijne tweetste huysvr(ouwe) die acht(er) gelaten hadden/
seke(r) jonghe kinde(re)n en(de) weesen die noch zee(r)/
cleyne en(de) jonck wae(re)n ombesorcht van e(n)nigen/
mo(m)boren mits den welken de voirs(creven) kinde(re) en(de)/
/ weesen en(de) hue(r) goede gescapen wae(re)n geheel te/
quijte ende te nyeute te gaen(e) want deen vand(en)/
vrienden voir den ande(re)n tregime(n)t van dien niet/
en woude ae(n)veerden baden d(aer)om en(de) v(er)sochten dat/
de stadt dien de mo(m)borie van allen weesen hier/
bynne(n) geseten behoirde d(aer)op soude willen v(er)sien/
en(de) den voirs(creven) kinde(re)n mo(m)boren stellen en(de) ordine(re)n/
Gaven vorts te kynne(n) dat de voirs(creven) wilen/
andries van zijne(n) yersten wive noch acht(er) gelaten/
hadde eenen jonge(n) sone geheeten andries die/
noch tot zijne(n) volcomen(en) jai(r)en niet comen en/
was en(de) oic eene docht(er) die getruwet hadde/
eene(n) geheeten jan van arre(n)berghe becke(r) de/
welke den selve(n) andriese gescapen wae(r) luttel/
vordel oft p(ro)ffijts te doen(e) ind(er) deylinge(n) vanden/
goeden den yersten bedde toebehoiren(de) op dat d(aer)op/
oic niet v(er)sien en wordde en(de) den voirs(creven) andriese/
oic gheen mo(m)boe(re)n gegeve(n) en(de) geordineert en wordde(n)/
om hem tege(n) zijne(n) voirs(creven) zwag(er) te v(er)liken en(de) tzijne/
vorts te hulpen rege(re)n Sijn bijden raide vand(er)/
stadt yerst rijpelijc hier op gelet wie de nutste/
en(de) bequaemste tott(er) svoirs(creven) mo(m)borien en(de) regime(n)te/
mochten zijn geordineert geauctoriseert tott(er) voirs(creven)/
mo(m)borien beyde der kinde(re)n vanden naebedde/
en(de) oic des voirs(creven) andries gordt vande(n) b(er)ghe/
en(de) (christ)iaen(en) de nausnijde(re) scepen(en) te loven(e) vand(er)/
stadt wegen en(de) de voirs(creven) gerardus vasont en(de)/
jan storre vand(er) vrienden ende magen wegen/
om de voirs(creven) kinde(re) en(de) hue(r) goede te rege(re)n tot/
dat zij tot hue(re)n dagen comen sullen zijn in/
(con)s(ili)[o] opidi dece(m)br(is) x
Contributorskristiaan magnus
Moderated bykristiaan magnus
Last update: 2018-07-16 by The Administrator