[Condt zij allen lieden dat] Item [lie] lodewijck van maerbeke en(de) jouffr(ouwe)/ machtelt vand(er) calste(re)n wed(uw)[e] eemonts/ wilen roelants nu zijne huysvr(ouwe) ter eenre/ ende g golijn vand(er) to(m)men en(de) jouffr(ouwe) ma(r)ie/ roelants zijne huysvr(ouwe) docht(er) des voirs(creven) wile(n)/ eemonts en(de) jouffr(ouwe) machteld(en) ter ande(r)/ zijden die ov(er)lang tegen malcande(re)n in/ rechte gestaen hebben voir den raide van/ braba(n)t aengaen(de) den sculden gebleve(n) acht(er)/ en(de) na de doot des voirs(creven) wilen eemo(n)ts/ en(de) oic der duwarien die de selve jouffr(ouwe)/ machtelt eysschen(de) was opde goede gecome(n)/ en(de) gebleven acht(er) en(de) nae de doot des/

voirs(creven) wilen eemonts en(de) aflivich(eit)/ lodewijcx wilen roelants en(de) jouffr(ouwe)/ marien wilen roelofs vad(er) en(de) moed(er)/ des voirs(creven) wilen eemonts d(aer)op seke(r)/ vo(n)nissen geslagen zijn als p(ar)tijen bekinde(n)/ / in p(rese)ncia hebben gekint en(de) geleden dat aengaen(de)/ dien questien en(de) allen ande(re)n questien en(de) gedinge(n)/ die daer voirde(r) nu oft in toecomen(de) tijden tusschen/ hen rijsen en(de) opv(er)staen souden moegen met mal/ cande(re)n bij ond(er)wijse van hue(re)n magen ende/ vrienden ov(er)comen en(de) v(er)accordeert zijn ind(er) manie(re)n/ hier na v(er)clairt Yerst dat der voirs(creven) jouffr(ouwe) machteld(en)/ t(er)stont o(n)belet vand(en) voirs(creven) golijne oft zijnd(er) huysvr(ouwe)/ volgen sullen alle de goede het zij leen chijs/ oft eygen goede(n) hoedanich die zijn waer die/ belegen zijn oft bevonde(n) sullen wordde(n) soe v(er)re/ die van hue(re)r zijden gecome(n) zijn om die bij/ hue(r) als een(der) tocht(er)sse hue(r) leefdage lang beseten/ en(de) gehoude(n) te wordden(e) en(de) dat die nae huer/ doot sculdich sullen zijn te gaen(e) soe dat nae/ den lantrechte en(de) der natue(re)n vand(en) goeden behoirt/ Des sullen ter ande(r) zijden den voirs(creven) golijne/ en(de) zijnd(er) huysvr(ouwe) ombelet vand(en) voirs(creven) lod(ewijcke) en(de)/ zijnd(er) huysvr(ouwe) volgen alle de goede het zij leen/ chijs oft eygen goede hoedanich die zijn waer/ die belegen zijn oft bevonde(n) sulle(n) moegen/ wordden soe verre die gecome(n) zijn vand(er)/ zijden des voirs(creven) wilen eemonts Behalve(n)/ dat de voirs(creven) jouffr(ouwe) machtelt de moed(er) opde/ selve goede sal hebben en(de) behouden alse/ voir hue(r) duwarie vive(n)vijftich rinschguld(en) te/ lx pl(a)c(ken) brabants paymi(n)ts tstuc jairlijker lijfrinte(n)/ ten live der voirs(creven) jouff(rouwe) machteld(en) alle/ jai(r)e opden xv[en] dach van janua(r)io te betalen(e)/ en(de) te loven inden wissel te leve(re)n soe lange/ de voirs(creven) jouffr(ouwe) machtelt leven sal ende/ niet lange(r) Behoudelijc in des(er) dat de voirs(creven)/ golijn en(de) zijne huysvr(ouwe) de voirs(creven) lv r(insch)guld(en)/ tallen tijden alst hen belieft sulle(n) moege(n)/ bewijsen op enige p(ar)ceelen d(er) selv(er) goede d(aer) voi(r)e// goetgenoech zijnde nae trecht der stadt van/ loven(e) en(de) d(aer)mede dande(r) goede ontlaste(n) ende/ hue(re)n wille d(aer)mede doen It(em) sullen de voirs(creven) p(ar)tijen/ te gelike dragen en(de) betalen alle sculden van/ erf en(de) lijfrinten het zij dat die op enige/ goede v(er)pant zijn oft onverpa(n)t op borgen oft/ anderssins en(de) alle ande(r) sculden hoedanich die/ zijn soe verre die bijden selve(n) eemo(n)de gemaict/ zijn oft van zijnen wegen gecome(n) v(er)schene(n) voir/ desen dach ende die naemaels vallen ende/ v(er)schijne(n) sullen in wat manie(re)n dat zij ende/ sal elc van hen zijn p(ar)t van dien dragen en(de)/ jairlijcx betalen alsoe dat dande(r) d(aer)bij niet/ beschadicht oft geprae(m)t en wordde ende soe v(er)re/ e(n)nich van hen bij gebreke des anders beschadicht/ oft geprae(m)t wordde dat dat sal zijn ten coste/ des gebreckeliken ende oft enige lijfrinte(n) v(er)storve(n)/ dat hen dat te gelike te baten comen sal niet/ tegenstaen(de) dat deen van hen alleen(e) alsulke(n)/ lijfrinte voir zijn p(ar)t jairlijcx betailt hadde/ It(em) soe verre de voirs(creven) jouffr(ouwe) machtelt en(de)/ hue(r) naekint dat zij nu heeft aflivich wordde(n)/ voir den voirs(creven) lodewijcke alsoe dat de voirs(creven)/ lodewijck de lanxtleven(de) bleve sond(er) oir van/ huer te behouden(e) dat in dien gevalle de/ voirs(creven) lodewijck vand(er) scult die nae hue(r)/ aflivich(eit) vallen en(de) v(er)schijnen sal ongehoude(n)/ sal zijn en(de) bliven en(de) dat de ghene die hue(r)/ erfgoede alsdan aenveerden sal sculdich sal zijn/ die vortaen(e) tzijnen laste te dragen(e) Oft oic/ de voirs(creven) jouffr(ouwe) marie voir den voirs(creven) golijne/ hue(re)n man aflivich wordde sond(er) wettige gebuerte/ van hem acht(er) te laten(e) dat in dien gevalle/ de voirs(creven) golijn en(de) zijn naecomelinge(n) vand(er)/ selv(er) scult oic ongehoude(n) sullen zijn van hue(re)n// goeden te moete(n) betale(n) en(de) dat de voirs(creven) scult/ alleen(e) slaen sal opde goede der selv(er) jouffr(ouwe) marie(n)/ It(em) oft oic alsoe gebuerde dat de voirs(creven) jouffr(ouwe) machtelt/ vand(en) voirs(creven) lod(ewijcke) hue(re)n man oft bij aflivich(eit) desselfs/ lodewijcx van enige(n) ande(re)n ma(n)ne d(aer)mede zij/ naemaels te huwelike trecken mochte enich/ oir nae hue(r) doot acht(er) liete dat tegen der selv(er)/ jouffr(ouwe) marien namaels inde goede vand(er) moed(er)/ wegen gecomen deylde dat tselve oir oft oiren/ van hue(re)n gedeelte van dien de voirs(creven) helicht/ des voirs(creven) wilen eemo(n)ts scult die de voirs(creven) lod(ewijck)/ en(de) zijne huysvr(ouwe) mits des(en) tractate te he(n)weerts/ genome(n) hebben sculdich sal zijn alleen(e) te/ dragen(e) sond(er) tpart der selv(er) jouffr(ouwe) marien/ d(aer)inne gelast te zijne in enig(er) manie(re)n Ende oft/ oic gebuerde dat de selve naekinde(re) niet en/ deylden in huers moed(er)s goede soe sal de selve lode(wijck)/ en(de) sijn kinde(re) ongelast blive(n) vand(er) scult des/ voirs(creven) wilen eemonts niet tegenstaen(de) daenveerde(n)/ van enig(er) haven datmen ter contra(r)ien van dien/ allege(re)n mochte mair sal de selve scult slaen/ opden ghenen die de goede der selv(er) jouffr(ouwe)/ machteld(en) als bove(n) aenveerden sal (et)c(etera) It(em) en(de)/ oft de crediteurs des voirs(creven) wilen eemonts/ niet te vreden en zijn en wouden sond(er) te/ zijne v(er)pant oft afgeleegt alsoe datmen enige/ goede d(aer)voi(r)e moeste v(er)coopen dat elc van/ hen des v(er)socht den ande(re)n dat v(er)sueken(de) hant/ en(de) mo(n)t leenen sal soe verre dat behoeft ten/ coste des gheens dats versueken(de) Ende oft enige/ goede vand(er) zijden der voirs(creven) jouffr(ouwe) machteld(en)/ vand(er) calste(re)n d(aer) voi(r)e v(er)cocht wordden soe es/ voirw(er)de dat nae de doot der voirs(creven) jouffr(ouwe)/ machteld(en) soe verre zij enich wettich kint/ oft kinde(re)n van hue(re)n live acht(er) liete tselve// goet in deylingen inne bracht sal wordden/ en(de) sal tselve vercocht goet alsoe verre als de/ voirs(creven) naekinde(re) inde voirs(creven) goede bevonden/ wordden gericht te zijne geheel cortten en(de)/ afgaen den gedeelte dat den selve(n) naekinde(re)n/ tegen der voirs(creven) jouffr(ouwe) marien te deele soude/ moegen comen en(de) dat de selve jouff(rouwe) ma(r)ie/ soe vele goets als tselve v(er)cocht goet gedraicht/ tyerst voir uuyt sal moeten hebben eer tvoirs(creven)/ naekint oft naekinde(re) tegen hue(r) ter deylinge(n)/ sullen moegen comen Ende hier mede sal/ versmelten alsulken vo(n)nisse als inden raide/ van braba(n)t onlanx leden tusschen de voirs(creven)/ p(ar)tijen gegeven es geloven(de) elker der voirs(creven)/

p(ar)tijen renu(n)c(ierende) It(em) sal de voirs(creven) golijn in/ gevalle als bove(n) kuese hebbe(n) de voirs(creven)/ crediteurs tevreden te stelle(n) met ond(er)pant/ oft and(er)ssins borchtocht te setten(e) oft te consente(re)n/ int v(er)coopen der voirs(creven) goeden ten coste/ altoes des voirs(creven) lod(ewijcx) alsoe verre hij dat/ versuect dair af hij altoes o(n)theffen sal den/ voirs(creven) golijn Geloven(de) elc der voirs(creven) p(ar)tijen ren/ renu(n)c(ierende) [in desen van allen p(ri)vilegien en(de) vrijheyden (et)c(etera)] dinhouden van des(en) tractate tonderhouden(e)/ en(de) te voldoen(e) ende contra(r)ie van des(er) ne(m)/ mermeer te comen te doen(e) oft malcande(re)n/ aen te spreken te vexe(re)n noch te moeyen in/ gheene(n) rechte geestelijc noch weerlijc bij/ hem selve(n) noch nyeman(de) and(er)s in gheend(er)/ manie(re)n cor(am) b(er)ghe donck januar(ii) s(e)c(un)da