Vanden gedinge dat geweest es inde banck/ voir meye(r) en(de) s(in)[te] pet(er)sma(n)nen van loven(e)/ tusschen den scoutheit van turnhout als aenlegge(r)/ ter eenre ende goirde ghijbs s(in)te pet(er)sman/ van loven(e) die bijden selven scouth(eit) in hachte(n) gestelt hadde/ geweest en(de) hem met brieve(n) van des(er) stadt uuyt/ gescreve(n) hadde mits zijnd(er) vrijheit ter ande(r) zijden/ Ald(aer) de voirs(creven) scouth(eit) mits div(er)sen reden(en) sustineerde/ dat hem de voirs(creven) s(in)[te] pet(er)sman sculdich soude/ zijn gere(n)voyeert te wordden(e) te turnhout/ ter plaetsen daer de selve s(in)[te] pet(er)sman/ aengetast was deene wa(n)t de voirs(creven) s(in)[te]/ pet(er)sman bij hem aengetast was eer hij de/ vrijheit aengenome(n) oft aenveert hadde Oick/ en hadde de voirs(creven) gordt alsoe men ter wairh(eit)/ bevi(n)den soude den eedt alnoch niet gedaen/ wa(n)tmen bevi(n)den soude ten tijde doen hij/ / aengetast was jan ghijbs zijn sone de selve/ vrijheit van zijnen wegen gethoe(n)t en(de) aenveerdt/ hadde en(de) den eedt in zijnen name gedaen dwelc/ hij hoepte dat egheenssins gefondeert en was/ in rechte dat de sone voir den vad(er) oft oic yema(n)t/ wie hij wae(r) voir eenen ande(re)n alsulken vrijh(eit)/ soude moegen thoenen oft aenveerde(n) oft oic/ voir hem zwee(re)n Ende al wae(r) oic dat gefondeert/ des hij hoepte neen soe was de voirs(creven) s(in)[te] pet(er)sman/ gevangen en(de) in calangie(n) gesteken voir en(de) eer hij/ de selve vrijh(eit) hadde oft eer die voir hem/ aenveerdt was en(de) nae recht wae(re)n zij sculdich/ alle calangien van voi(r)e af te doen(e) Oic dede/ de voirs(creven) scouth(eit) seggen dat zij tegen malcande(re)n/ in rechte getreden en(de) gehecht wae(re)n en(de) dat/ vo(n)nissen dair over geslagen wae(re)n wa(n)t nae dat/ de voirs(creven) scoutheit hem aengetast hadde dede/ hijten bringhe(n) inde banck van turnhout en(de)/ p(rese)nteerde hem dair aen te spreken(e) ten derden/ dage alsoe men eenen geva(n)gen(en) sculdich es/ aen te spreken(e) D(aer)tegen de voirs(creven) s(in)[te] pet(er)sman/ gesustineert ende v(er)socht hadde te hebben(e) xiiii/ nacht dach om hem te berade(n) D(aer)op seke(r)/ vo(n)nissen geslagen wae(re)n voir en(de) eer de voirs(creven)/ gordt zijn vrijheit allegeerde oft dede allege(re)n/ p(er)siste(re)nde mits dien in zijne voirs(creven) conclusie/ D(aer)tegen de voirs(creven) gordt s(in)[te] pet(er)sman dede segge(n)/ dat hem die aensprake gheenssins en soude/ conne(n) gep(re)judicie(re)n om mits den reden(en) bijden/ scouth(eit) gealleg(er)t van hier gere(n)voyeert te wordden(e)/ gemerct dat de vrijhetyt van s(in)[te] pet(er)sma(n)scape/ dat recht hadde dat niema(n)t de selve vrijh(eit)/ aenveerden en mochte hij en was d(aer)af geboe(re)n/ / Ende alsoe en dorf gheen s(in)[te] pet(er)sman als hij die/ vrijheit aenveerdt oft doet aenveerden afdoen/ de calangien van vo(r)e alsoe de porte(re)n doen moete(n)/ wa(n)t de vrijheit t(er)stont eene(n) man ae(n)compt/ als hij geboi(r)en wordt hoe wel zij de rechten/ niet en betale(n) voir d(er)re tijt zij des te doen(e)/ hebben en(de) soe wa(n)neer de selve rechte(n) betailt/ wordden es de vrijheit sulc dat zij van allen/ p(er)sonele(n) saken te rechte behoi(r)en voir meye(r) en(de)/ s(in)[te] pet(er)smanne(n) van loven(e) niet tegenstaen(de)/ e(n)nigen calangie(n) van voi(r)e en(de) mach elc geva(n)gen(en)/ oft in calangie gesteken die bij hem selve(n)/ oft bij ande(re)n zijnen magen oft [op] dat hij selve/ niet gecomen en can die aenveerde(n) oft doen/ aenveerden en(de) hem alsdan uutscrive(n) sond(er) selve/ den eedt te dorve(n) doen als ande(r) van zijne(n)/ wegen den eedt gedaen hadden en(de) gehouden/ voir recht dwelc te meer stonden alhier alsoe/ geuseert hadde geweest Des hij hem gedroech/ totten selve(n) ende dat de voirs(creven) scouth(eit) seyde/ dat zij in rechte wae(re)n getreden en(de) dat/ vo(n)nisse d(aer)op wae(r) geslagen dat en was/ int pri(n)cipael niet Oic en hadde de voirs(creven)/ s(in)[te] pet(er)sman noyt geantwoirdt anders dan/ hij beg(er)t hadde dach van berade sustine(re)nde/ mits dien ter contra(r)ien dat de voirs(creven) scouth(eit)/ met zijne(n) re(n)voye verdoilt wae(r) Met/ meer woirden bij p(ar)tijen in wed(er)zijden gealleg(er)t/ es bijde hee(re)n s(in)[te] pet(er)smanne(n) van loven(e)/ ter manissen smeyers gewijst met vo(n)nisse/ dat de scouth(eit) met zijne(n) re(n)voye v(er)doilt es/ p(rese)nt(ibus) opp(endorp) burg(imagistr)[o] abs(oloens) scoonvorst hermeys scab(inis)/ pynnock borch ho(min)ib(us) s(anc)[ti] petri lovan(iensibus) ja(nua)[rii] xxvi