Alsoe als ten v(er)volge claes vasont als p(ro)cur(eur) des p(re)laets/ van vlierbeke geleydt zijnde nae den rechte van des(er)/ stadt uut crachte van scepen(en) brieve(n) van loven(e) tot alle/ den goeden beide have en(de) erve daneels en(de) jorijs/ wilen van mulstede gebrueders en(de) reyners thienponts/ soe waer die gelegen zijn gescreve(n) es geweest met/ brieven van des(er) stadt aen alle officie(re)n hem alle de/ selve goede te leve(re)n en(de) te doen volgen oft den bring(er)/ der voirs(creven) brieve(n) in zijne(n) name ende den huysvr(ouwe)/ der voirs(creven) wilen daneels en(de) jorijs en(de) reyne(re)n oft zij tegen/ de voirs(creven) leveri(n)ge yet hadden willen allege(re)n dach/ van rechte op heden dienen(de) alhier te co(m)pare(re)n inde/ banck voir meye(r) en(de) scepen(en) van loven(e) doen bescheide(n)/ Ald(aer) de voirs(creven) p(er)sone(n) noch nyema(n)t van hue(re)n wegen en/ es geco(m)pareert den voirs(creven) claese co(m)pare(re)nde en(de) trecht/ vort v(er)sueken(de) soe hebben de scepen(en) van loven(e) yerst/ ae(n)gehoirt gielijse eveloege bode te voete van des(er) stadt/ die cleerde bij zijne(n) eede de leveri(n)ge en(de) dach beschei/ dinge bijden meyers van buedinge(n) gedaen te zijne/ ter manissen smeyers gewesen voir een vo(n)nisse datmen/ den voirs(creven) geleidden vanden voirs(creven) goeden houden soude/ inde macht van zijne(n) scepen(en) brieve(n) soe v(er)re het noch/ voir hen scepen(en) comen es in sca(m)pno cora(m) om(n)ibus/ dempt(is) berghe hermeys eod(em)