Item cleme(n)cie van nuwe(n)hove wed(uw)[e] hectoirs wilen/ van swivelt woenen(de) te poety in p(rese)ncia heeft/ genome(n) en(de) bekint genomen te hebben(e) van/ henricke de keyse(re) een stuck lants dat twee/ stucken plagen te zijne gelegen te poety acht(er)/ de galge comen(de) metten eenen ynde aen de/ reebroecstrate Te houden en(de) te hebben van/ half meye lestleden eenen t(er)mijn van ix jai(r)en/ lang due(re)nde deen nae dand(er) sond(er) middel/ v(er)volgen(de) elcx jairs dae(re)nbynne(n) om en(de) voir/ / vijfthien siste(re)n rogs vilvortsche mate cu(m) va(nn)[o] alle/ jai(r)e s(in)[t] andries(mis)s[e] ap(oste)ls te betalen(e) en(de) te loven(e)/ bruessel vilvoirden oft mechelen te leve(re)n daert/ henricke believen sal quol(ibe)t ass(ecutu)[m] Met cond(ici)[en]/ dat de voirs(creven) weduwe s(in)[t] andriesmisse naistcomen(de)/ gheenen pacht en sal gheven en(de) dande(r) iiii jai(r)en/ dair naist volgen(de) elcx jairs niet meer dan/ halve(n) pacht en(de) dande(r) vie(r) leste jai(r)en vollen/ pacht en(de) sal dese lande wynnen en(de) mesten wel/ en(de) loflijck gelijck regenooten boven en(de) beneden/ en(de) die ten lesten drie jai(r)en niet moegen hoer/ vruchten en(de) thue(re)n afsceyden laten gelijck rege/ nooten boven en(de) beneden Ende alle dese voirw(er)den (et)c(etera)/ coram hove donck maii xxi