Cond zij allen lieden dat jan de weert sone wijlen jans/ in p(rese)ntia heeft genome(n) ende bekint genomen te hebbe(n) tegen/ gorijse ende peete(re)n vanden poele symoen(e) h(er)mans als man/ ende mo(m)boir margrieten vanden poele sijnder huysvr(ouwe)/ ja(n)ne kyps als man ende mo(m)boir paeschens vande(n) poele sijns/ wijfs kynde(re)n eustaes wijlen vanden poele thoff der selver/ kinde(re)n metten huysen hoven bloken wynnen(de) landen gedragen(de)/ deselve landen ende boog(ar)den ix(½) boende(re)n oft dair o(m)trint/ It(em) drie dach(mael) beempts inde muylhoope noch omtr(int) i(½) dach(mael)/ beempts int pisbeempdeken It(em) i dach(mael) beempts int/ vindebroeck Te houde(n) te hebben ende in pechti(n)g(en) te/ besitten van halfmerte lestleden eene(n) termijn van neghen/ jae(re)n lanck due(re)nde sonder middel vervolgen(de) elcx jairs/ d(aer)enbynne(n) de voirs(creven) wynnen(de) landen metten boogarden/ gedragen(de) als voe(r) ix(½) boende(r) voir ende o(m)me elc boender/ dair aff xxxi mol(evaten) rogs pacht ende mate van loeven(e)/ cu(m) va(n)no et penna alle jae(re) s(in)te andr(iesmiss)[e] ap(oste)ls te betalen(e) en(de)/ te loeven(e) te leve(re)n quol(ibe)t ass(ecutu)[m] Ende de voirs(creven) beempden/ om ende voe(r) vijf rinsguld(en) te xx st(uvers) tstuck alle jae(re)/ s(in)te mertensmesse te betalen(e) ende te loeven(e) te leve(re)n/ quol(ibe)t ass(ecutu)[m] Item es vorweerde dat de wyn jairlijx leve(re)n/ moet een hondert lever walme(n) totter r(e)p(ar)atien vande(n) huysing(en)/ Deselve wyn sal de huysing(en) houden vander underster/ rijkelen nederwerts tsijnen laste Ende de wyn en sal/ dierste ii jai(re)n niet meer betalen dan i(½) mudde van/ elk(er) der voirs(creven) boende(re)n ende dande(r) jae(re)n volle(n) pacht/ ende sal tsijne(n) afscheyden tderdel vanden voirs(creven) goeden/ wel ende loflijck besayt laten ende de brake ende stortte/ eens o(m)me gedaen ende tselve mest dat de wyn maken/ sal ten leste(n) jae(r) nae alderheylige(n)messe int voirs(creven) hoff/ laten gelijc hijt vant tsijne(n) aencomen(en) ende sal de voirs(creven)/ landen wynne(n) drive(n) ende mesten wel ende lofflijck ten/ mi(n)sten gelijck regenoot(en) bove(n) ende beneden Ende de wyn/ sal moegen getermtelijck tru(n)cken tegen de wynnen(de) landen/ / alle tru(n)chout van vii jae(re)n out sijnde ende niet anders/ It(em) en sal de voirs(creven) wyn bynne(n) den lesten drie jae(re)n gheen/ stroo vande(n) voirs(creven) goeden comen(de) moege(n) vercoope(n) mair/ bynne(n) den voirs(creven) hove te meste bringe(n) ende opde voirs(creven)/ lande vue(re)n ten meeste(n) proffijte derselver landen It(em) sal/ de voirs(creven) wyn int hoff laten tsijne(n) afscheyden(en) xii/ mandelen stroots van xvi schoove(n) de mandele It(em) es/ vorweerde oftmen meer lants ende boogarts bevonde dan/ voirs(creven) steet dat sal den meest(er)s te baten comen nae/ advena(n)t vander maten ende wairts min bevonde(n) dat/ sal den wyn oick tafslage comen als voe(r) Ende alle/ dese vorweerden (et)c(etera) Et inde est fideiussor henric(us) de/ weert filius p(re)d(i)c(t)i joh(ann)is p(ri)us ema(n)cip(atus) et p(ri)mus cor(am)/ berghe naus(nydere) maii xxiiii