Alsoe als ten vervolge wout(er)s stouten geleydt (sijnde)/ nae den rechte van des(er) stadt uuyt crachte van sc(epenen)/ brieve(n) van loven(e) tot alle den goeden beyde (have)/ en(de) erve jans wilen leemans geheeten luyken (...)/ sone wilen arnts soe waer die gelegen zijn ge(screven)/ es geweest met brieve(n) van des(er) stadt aen den mey(er)/ van zichen(en) oft zijne(n) stadhoude(r) te thielt hem alle/ de selve goede te leve(re)n oft den bring(er) der voirs(creven) brieve(n)/ in zijne(n) name ende marien leemans docht(er)/ des voirs(creven) wilen jans en(de) hue(re)n man oft zij hen dair/ tegen hadden willen oppone(re)n dach van rechte op/ heden dienen(de) alhier te compare(re)n inde banck voir/ meye(r) ende scepen(en) van loven(e) doen bescheiden/ Tot welken dage de voirs(creven) gehuysschen niet en zijn/ geco(m)pareert den voirs(creven) geleidden co(m)pare(re)nde en(de) trecht/ vort v(er)sueken(de) soe hebben de scepen(en) van loven(e)/ yerst aengehoirt gielijse eveloege bode te voete/ van des(er) stadt die cleerde bij zijne(n) eede de leveri(n)ge/ en(de) dach besceydinge voirs(creven) bijden diene(r) smeyers/ van zichen(en) te thielt voirs(creven) behoirlijc geschiet te/ zijne ter manissen smeyers gewesen met vo(n)nisse/ datmen den voirs(creven) geleidden vand(en) voirs(creven) goeden/ houden soude inde macht van zijne(n) scepen(en) brieve(n)/ beleyde soe v(er)re het noch voir hen scepen(en) comen es/ coram eisdem