Nae dien de mo(m)boirs vand(en) groote(n) heylige(n)geeste bynne(n) des(er)/ stadt en(de) aelbrecht tants rintm(eeste)r desselfs den raide van des(er)/ stadt die dov(er)ste mo(m)borie d(aer)af toebehoirt te kynne(n) hebbe(n)/ gegeve(n) de groote armoede die ond(er) darme liede es/ die den heylige(n)geest hebben die niet meerde(re) zijn en mach/ d(aer)om wel behoeve(n) soude datme(n) hen meer goetdoens dade/ dan hier voi(r)e gedaen hier voi(r)e gedaen es geweest dwelc/ den selve(n) heylige(n)geeste o(n)moegelijc wae(r) om doen mair/ dat meer es wae(r) gescape(n) dat de p(ro)ve(n)de dieme(n)/ / hen gegeve(n) hadde soude moete(n) wordden gemi(n)ct/ het en wae(r) dat and(er)s d(aer)op bijd(er) stadt wordde v(er)sien/ wa(n)t bynne(n) den tijde vand(er) orlogen luttel oft gheene/ pechteners oft sculde(re)n den heylige(n)geeste betalinge/ en hadden gedaen en(de) al woude men dat nu innehale(n)/ en soude men d(aer)toe niet conne(n) geraken mits dat/ vele van hen al v(er)brant en(de) hue(r) goede en(de) beesten/ meest deel al v(er)loren wae(re)n Geven(de) vort te kynne(n)/ hoe dat een deel vand(er) haven en(de) huysinge(n) vand(en)/ heylige(n)geeste selve v(er)brant wae(re)n en(de) besundert/ thof te boeslynthe(r) ende in alsoe v(er)re alsme(n)/ niet ter stont op en maicte oft ande(r) huyse en/ cochte alsoe dat de wynne(n) met hue(re)n goeden/ en(de) beesten erge(re)ns inne schuylen mochten dat/ zij de goede soude(n) laten liggen en(de) dat nyema(n)t/ d(aer)op soude willen come(n) om die vorts te wynne(n)/ d(aer)uuyt den heylige(n)geeste groote onv(er)winlike en(de)/ o(n)noemelijke schade comen soude Om dwelc/ te v(er)hueden zij alreede enige huyse te boeslynthe(r)/ inde p(ro)chie van boensbeke gelegen hadden gecocht/ tege(n) eene(n) geheeten sampsoen oliviers dat den/ goeden ald(aer) den heilige(n)geeste toebehoiren(de) wel/ gelegen was en(de) wa(n)t zij h(ier)toe gheene(n) raet va(n)/ pe(n)ni(n)ge(n) en wisten den heylige(n)geeste toebehoiren(de) rade(n)/ zij den voirs(creven) raide vand(er) stadt dat zij hen d(aer)op raet/ en(de) avijs geve(n) woude(n) en(de) ordine(re)n wes zij d(aer)toe soude(n)/ moege(n) doen om de goeden desselfs heyl(ichs)geests en(de)/ darme te moege(n) ond(er)houde(n) d(aer)toe zij soe zij seyde(n)/ behoeve(n) souden zee(r) groote so(m)me(n) van pe(n)ni(n)gen Soe es/ bijden selve(n) raide eendrachtelijc ov(er)dragen en(de) geordin(er)t/ dat de voirs(creven) mo(m)boirs hen inden name vand(en)/ heyligen geeste sullen v(er)binden tott(er) so(m)men van/ xxx rinschguld(en) erfliker rinten ter quiti(n)gen den/ pe(n)ni(n)ck xviii om d(aer)mede de voirs(creven) lasten te/ vervallen en(de) darme d(aer)mede te bliven ond(er)houden(e)/ Ende voir den toecomen(de) tijt was get(er)mineert/ en(de) ov(er)dragen dat de mo(m)boirs ten tijde zijnde/ van desselfs heylichsgeests goeden die rinten sulle(n)/ sculdich zijn te betalen(e) en(de) de mo(m)boirs nu zijnde/die hen d(aer) voi(r)e v(er)obligeert en(de) hue(r) goede d(aer)aff/ scadeloes tontheffen(e) soe lange en(de) tot d(er)re tijt/ die afgeleet sullen wordde(n) Act(um) in (con)s(ili)[o] opidi/ septe(m)br(is) p(ri)ma