Condt zij allen lieden dat daneel huygen sone/ wilen jans in p(rese)ncia heeft genomen en(de) bekint/ genomen te hebben(e) tegen reyne(re) vand(er) bauwette(n)/ thoff desselfs reyners geh(eten) thof vand(er) bauwette(n)/ gelegen inde p(ro)chie van wavre met alle zijne(n)/ toebehoirten Te houden te hebben en(de) te wynne(n)/ van meye lestleden eenen t(er)mijn van xii jai(r)en/ lanck due(re)nde deen nae dand(er) sond(er) middel/ vervolgen(de) elcx jairs dae(re)nbynne(n) [de wynnen(de) land(en)] om ende/ voir de helicht vand(en) vruchten d(aer)op wassen(de)/ die zij te samen opt velt deylen [sulle(n)] over hoop It(em)/ en(de) alst gedeylt sal zijn sal de wynne(n) zijns meest(er)s/ helicht voir inne vue(re)n It(em) sal de wynne(n) de voirs(creven)/ lande wel en(de) loflijc wynnen en(de) werven gelijc/ reengenooten boven en(de) beneden It(em) sal de voirs(creven)/ reyne(r) behouden int voirs(creven) hof drie came(re)n en(de)/ de solders uuytgescheiden de(n) solde(r) bove(n) de p(er)de/ en(de) boven de ove(n)boere en(de) den cleyne(n) p(er)tstal van/ eene(n) p(er)de en(de) tduyfhuys mette(n) duyven [die] acht(er)/ / messie te v(er)kee(re)n [sulle(n) moege(n)] payselijck en(de) vredelijck en(de) de/ nyeuwe schue(r) It(em) sal de wynne(n) de huysingen ond(er)/ houden vand(er) onderst(er) rijkelen ned(er)weert en(de) alle/ den leem naed(er) halen diemen totten hove behoeve(n)/ sal It(em) sal de wynne noch alle jai(r)e sculdich zijn/ te leve(re)n duyse(n)t coopwalms en(de) sal den deckers/ en(de) pleckers den mo(n)tcost gheven en(de) de meest(er) sal/ de dachue(re)n betalen It(em) es cond(ici)[e] dat de wynne/ sal hebben alle dappelen en(de) half de peren ende/ tsteenh ooft dat aen thuys vand(er) bauwetten staet/ sond(er) den ond(er)sten bogaert inden beempt gelegen/ die reyne(r) te hemweert houden sal It(em) sal de/ wynne hebben alle de beemde den voirs(creven) reyne(r)/ toebehoiren(de) gelegen op dblock van graven en(de)/ noch iii(½) dach(mael) beemps gelegen tusschen beyde/ wave(r) bij alsoe dat de wynne sal sculdich zijn/ te betalen(e) eene(n) rinschguld(en) d(aer)uuyt gaen(de) It(em) sal/ de wynne alle jai(r)e voir uuyt hebben een block gelege(n)/ voir de porte aen den wijngaert It(em) sal de wynne/ sculdich zijn alle jai(r)e te mergelen ii boend(er) lants/ en(de) d(aer) voi(r)e sal hij hebben alle jai(r)e van zijne(n) meest(er)/ iii mudden even(en) wav(er)ssche mate It(em) noch sal de/ voirs(creven) wynne(n) hebben dbosch vand(er) bauwetten en(de)/ pasturaige ond(er) thoff om die te ettene met/ zijnen beesten sond(er) dat de voirs(creven) wynne niet d(aer)uuyt/ houwen en mach egheen hout in gheend(er) manie(re)n/ sond(er) argelist It(em) noch sal de voirs(creven) wynne hebbe(n)/ de weyde van beide den beemden ond(er) thoff vand(er)/ bauwetten alle jai(r)e om vii rinschguld(en) en(de) reyne(r)/ sal alle dooft d(aer)af hebben die op dappeleers/ wassen sal sond(er) den wynne yet d(aer)af te hebben(e)/ It(em) es cond(ici)[e] dat de voirs(creven) wynne sal gehoude(n)/ zijn alle jai(r)e te leve(re)n tsaetcoren dat behoeve(n)/ sal tot alle de lande(n) te besaeyen uuytgesceyden/ de leysaet It(em) sal de wynne zijne(n) meest(er)/ alle jai(r)e xii dagen corweyen daert hem ge/ lieven sal It(em) sal de voirs(creven) reyne(r) alle/ jai(r)e van zijnd(er) helicht hebben iii[c] scoove stroos/ half wynt(er) en(de) somer stroos It(em) sal de wynne reyne(re) sculdich sij(n)/ / te houden(e) een horeveede mette(n) zijne(n) en(de) gelijc/ den zijne(n) en(de) oic ii vercken It(em) sal de wynne int/ voirs(creven) hof oretten laten om redelijc te stroyen tot/ nyeuwen It(em) sal de wynne hebben tgeheel [hof] tzijne(n)/ laste en(de) dat wel verwae(re)n van vie(r) en(de) en sal/ met gheenen keerssen acht(er) stal gaen oft messie/ gaen It(em) sal de voirs(creven) wynne nu t(er)stont int voirs(creven)/ hof trecken en(de) sal deylen mette(n) bate tegen/ zijne(n) meest(er) en(de) hebben de helicht van alle den wynt(er)/ coren(en) ende sal de wynne nu trecken en(de) hebbe(n)/ alle de somervrucht die int voirs(creven) hof es It(em) sal/ de wynne hebbe(n) alletghene dat hij tussche(n) dit/ en(de) oghst sal saeyen en(de) wynne(n) opde lande die/ driesch liggen te weten(e) den aert daer dit/ jair tcoren staen soude sond(er) dat de voirs(creven) reyne(r)/ d(aer)af tooghst yet trecken sal in enig(er) manie(re)n/ It(em) sal de wynne besaeyen den aert met/ somervruchte daer tcoren dit jair gestaen heeft/ en(de) dat sal de voirs(creven) reyne(r) halen en(de) [en(de) de wynne] half en(de)/ half deylen tooghst naistcomen(de) en(de) van dan/ vorts van jai(r)e [te jai(r)e] ter recht(er) helicht sond(er) argelist/ It(em) sal de wynne tzijnen afsceyden(en) de ii aerde(n)/ besaeyt laten die nu te half meye sculdich/ souden zijn besaeyt te zijne te weten(e) den/ wynt(er) aert met wynt(er)coren(en) en(de) den someraert/ met somercoren(en) alsoe zij sculdich zijn te liggen/ en(de) alsoe zij voirmaels gegaen hebben en(de) oic den/ aert mett(er) braken o(m)me met eend(er) voren die oic/ met zijnen afsceyden(en) o(m)me te laten en(de) de messie/ geruymt te laten(e) te zijne(n) afsceyden It(em) selen/ de voirs(creven) p(ar)tijen ten yersten vi jai(r)en [moegen scheid(en)] bij alsoe dat/ de ghene die scheiden wilt dat den ande(re)n een/ half jair te voi(r)en sal cu(n)digen It(em) sullen sal de/ wynne zijn berringe moege(n) neme(n) alo(m)me aen/ de lande en(de) vorlen ter mi(n)ster schade(n) alsoe v(er)re/ die dair es [Inde est fideiussor ada(m) kerrema(n)s f(ilius) q(u)[o]nd(am) joh(annis) et p(rim)[(us)]] cor(am) b(er)ghe naus(nydere) nove(m)br(is) xx