Alsoe als ten v(er)volge jans van udekem als man/ en(de) mo(m)boir jouffr(ouwe) katline(n) beyardt zijnd(er) huysvr(ouwe)/ en(de) stevens beyardt huers brued(er)s geleydt zijnde/ / nae den rechte van des(er) stadt uuyt crachte van scepen(en)/ brieve(n) van loven(e) tot alle den goeden beide have en(de)/ erve jans wilen vanden putte geheeten smet ende/ henricx clouwens soe waer die gelegen zijn gescreve(n)/ es geweest met brieve(n) van des(er) stadt [aen den meye(r) van hale(n) oft zijne(n) stadh(ouder) te winge] hen alle de/ selve goede te leve(re)n en(de) te doen volgen oft den bring(er)/ der voirs(creven) brieven in hue(re)n name ende den kinde(re)n der/ voirs(creven) wilen jans en(de) henricx oft zij tegen de voirs(creven)/ leveri(n)ge yet hadden willen allege(re)n dach van rechte/ alh(ier) te compare(re)n inde banck voir meye(r) en(de) scepen(en) van/ loven(e) op heden dienen(de) doen bescheiden Ald(aer) de/ voirs(creven) kinde(re) noch nyema(n)t van hue(re)n wegen en es/ geco(m)pareert den voirs(creven) geleidden co(m)pareren(de) ende trecht/ vort v(er)sueken(de) soe hebben de scepen(en) van loven(e) yerst/ aengehoirt tyeboute steenweechs bode te voete/ van des(er) stadt die cleerde bij zijnen eede de leveri(n)ge/ en(de) dach bescheidinge behoirlijc gedaen te zijne ter/ maniss(en) smeyers gewesen voir een vo(n)nisse datmen/ den voirs(creven) geleydden vand(en) voirs(creven) goeden houden soude/ inde macht van hue(re)n scepen(en) brieve(n) beleide soe v(er)re/ het noch voir hen scepen(en) comen es in sca(m)pno/ cor(am) o(mn)ibus dempt(is) hove donck nove(m)br(is) xxviii