Item symon van holsbeke sone wilen anthonijs/ die hij hadde van lijsbette(n) ca(m)pus zijnd(er) huysvr(ouwe)/ voir hem en(de) van wegen jans en(de) anthonijs zijnd(er)/ bruede(re)n heeft gekint en(de) geleden van arnde/ / lachman en(de) pete(re)n vande(n) poele als executeurs/ vanden test(ament)e en(de) uuyt(er)sten wille magriete(n)/ weduwe(n) wilen jans ca(m)pus oud(er) moed(er) der/ voirs(creven) gebruede(re)n gehave(n) ende o(n)tfanghe(n) te/ hebben(e) alsulken silve(re)n schale en(de) eene(n) silve(re)n croes/ tsamen wegen(de) ix [o(ncen)] iiii yng(elsch)[e] als hem en(de) den/ voirs(creven) zijne(n) bruede(re)n in testeme(n)te voir uuyt gemaict/ en(de) gelaten zijn Heeft vorts bekint inden name/ ende van wegen als voi(r)e gehadt en(de) gehave(n) te/ hebben(e) volcomen scheydinge en(de) deylinge van alle(n)/ en(de) yegewelken haeffeliken goeden en(de) vliege(n)de/ erve gebleve(n) nae de doot der voirs(creven) hue(re)r oud(er)/ vaders en(de) oud(er) moed(er) soe die tussche(n) hem ende/ pete(re)n ca(m)pus sone wilen jans ooms der voirs(creven) ge/ bruede(re)n bij gezworen(en) scatters gedeylt zijn geweest/ Scelden(de) mits dien volcomelijc quijt de voirs(creven)/ executeurs den voirs(creven) pete(re)n ca(m)pus en(de) allen/ ande(re)n dien dat ae(n)cleve(n) mach promittens/ nullaten(us) alloqui Geloven(de) vorts vand(en) voirs(creven)/ o(n)tfanghe tegen de voirs(creven) zijn brued(er)s en(de) eene(n) yege/ liken inne te staen(e) en(de) de selve zijn brued(er)s nu/ absent en(de) ond(er) hue(r) dagen zijnde dat zij tot hue(re)n/ dagen comen zijnde gelike quitan(cie) doen ende/ geve(n) sulle(n) et t(antu)m p(ro)ut Ende d(aer) voir(r)e es borghe/ jan vand(er) hofstadt sone wilen willems becke(r)/ et p(ri)m(us) cor(am) hermeys hove dece(m)br(is) xi