Item willem van thiene(n) als p(ro)cur(eur) alsoe jorijs van/ beringen jouffr(ouwe) oeden van verle zijnd(er) huysvr(ouwe)/ jouffr(ouwe) oeden van pedele wed(uw)[en] wilens abrahams/ van monfera(n)t als naiste oiren en(de) erfgenamen baud(ewijns)/ wilen van breede alsoe dat ter eenre jan van/ wynghe sone wilen geldolfs en(de) ma(r)ie leemans/ zijne huysvr(ouwe) ter ande(r) zijden bij tusschen spreken(en)/ van hue(re)n vrienden met malcande(re)n zijn ov(er)comen/ voir hen hue(re)n erfgenamen en(de) naecomelinge(n)/ als van thien sacken corens erfpachts die de/ voirs(creven) jorijs en(de) zijn voirs(creven) medeplege(re)n hebben en(de)/ hen bij doode des voirs(creven) wilen baudewijns v(er)storve(n)/ zijn en(de) hij v(er)creech met scepen(en) brieve(n) van loven(e)/ vand(er) daet xx xiiii[c] xxvii opden xv[en] dach van/ janua(r)io op seke(r) goede inde selve brieve begrepen/ gelegen inde p(ro)chie van binsbeke en(de) d(aer) omtri(n)t/ der pointen voirw(er)den en(de) cond(ici)[en] hier nae volgen(de)/ Te weten(e) inden yersten dat de voirs(creven) henrick [jan en(de)] zijn huysvr(ouwe) hue(r)/ erfgenamen en(de) naecomelinge(n) jairlijcx den voirs(creven)/ jorijse zijne(n) medeplege(re)n en(de) hue(re)n naecomelinge(n)/ de voirs(creven) thien sacken corens sullen moege(n) betale(n)/ te weten(e) voir elken sack achtien st(uvers) oft coren dwelc/ den selve(n) janne en(de) zijnd(er) huysvr(ouwe) best believe(n) sal/ / Item dat de voirs(creven) jan en(de) zijne huysvr(ouwe) ongehouden/ sullen zijn dyerste twee jair(r)en naistc(omende) enigen/ pacht te betalen alsoe dat den yersten toecomen(de)/ pacht sal v(er)schijne(n) s(in)[t] andriesmisse a(n)no xcii en(de)/ sullen v(er)smelten alle pachten voi(r)e v(er)schenen Ter ande(r)/ zijden selen de voirs(creven) jan en(de) zijne huysvr(ouwe) alle/ de goede en(de) ond(er)pande der voirs(creven) thien sacken/ corens alleene te hen nemen en(de) alle ande(r) erfge/ namen die d(aer)op souden moegen spreken oft e(n)nich/ recht d(aer)toe pretende(re)n afstellen alsoe dat nyema(n)t/ dan zij d(aer)inne enich recht sal hebben en(de) selen/ de selve jan en(de) zijne huysvr(ouwe) de huysen en(de) landen/ inden v(er)bontbrief vand(er) daet voirs(creven) begrepen moete(n)/ houden in goeden state r(e)p(ar)acien en(de) wynni(n)gen alsoe/ nae den la(n)trechte behoirt Behoudelijck en(de) uuyt/ genomen een boend(er) lants geheeten schoenacker/ dwelc hij [zij] sele(n) moegen laten liggen o(n)geboudt/ op dat hem gelieft des sele(n) de voirs(creven) henrick geh(uysschen)/ gehouden zijn eenen goeden bijpant den voirs(creven)/ p(er)sone(n) te setten(e) weert zijnde los boven allen/ co(m)mer drie pet(er)s erflic tsjaers It(em) selen de voirs(creven)/ henrick en(de) zijne huysvr(ouwe) gehouden zijn de drie/ sacken vand(en) voirs(creven) thien sacken oft drie pet(er)s af te quiten(e)/ bynnen neghen jai(r)en naistc(omende) alst hen belieft met/ pe(n)ni(n)gen alsoe nae den lantrechte behoi(r)en sal en(de) met/ volgen pachte ende daer nae selen de voirs(creven) jan en(de)/ zijne huysvr(ouwe) alst hen belieft moegen afleggen noch/ twee sacken ind(er) maten voirs(creven) en(de) soe wa(n)neer de voirs(creven)/ drie pet(er)s oft sacken afgequeten sullen sijn sal van dan/ vortaen(e) den voirs(creven) bijpant zijn en(de) bliven o(n)belast en(de)/ ongehouden It(em) dat de voirs(creven) jan zijne huysvr(ouwe) noch/ zijn erfgename gheend(er) ande(r) opgaen(de) hout opde voirs(creven)/ goede staen(de) en sullen moegen afhouwe(n) doen noch/ laten afhouwen het en zij dat de vive der voirs(creven) thien/ sacken oft pet(er)s ind(er) manie(re)n voirs(creven) afgequeten zijn/ het en wae(re) dat aen de voirs(creven) huysen e(n)nich gebreck/ wae(r) en(de) hij [zij] die moeste(n) r(e)pare(re)n in dien gevalle selen zij/hij een oft twee houte(n) als hen die gewesen ende/ geteekent sullen zijn en(de) niet eer d(aer)toe moegen/ afhouwen promitten(tes) ratu(m) cor(am) hermeys naus(nydere) febr(uarii) xxiii