Want willem vand(er) steenbruggen geleydt zijnde nae/ den rechte van des(er) stadt uuyt crachte van scepen(en) brieve(n)/ van loven(e) tot alle den goeden beide have en(de) erve/ jans wilen ca(m)pus soe wair die gelegen zijn hem/ met gielijse de vos vorste(r) van des(er) stadt alle de/ selve goede heeft doen leve(re)n ende pete(re)n vand(en) poele en(de) ja(n)ne/[vand(er) hofstadt] of hij [zij] hen d(aer)tegen hadde(n) willen oppone(re)n dach van/ rechte op heden dienen(de) alhier te compare(re)n doen be/ scheiden Tot welken dage de voirs(creven) pet(er) en(de) jan/ noch nyema(n)t van hue(re)n wegen en es geco(m)pareert den/ voirs(creven) geleidden co(m)pare(re)nde en(de) trecht vort versuekende/ soe hebben de scepen(en) van loven(e) yerst aengehoirt/ den voirs(creven) vorste(r) die cleerde bij zijne(n) eede de leveri(n)ge/ en(de) dachbesceidinge voirs(creven) geschiet te zijne ter maniss(en)/ smeyers gewesen met vo(n)nisse datmen den voirs(creven) geleidde(n)/ vanden voirs(creven) goeden houden soude inde macht van/ zijnen scepen(en) brieven soe v(er)re het noch voir hen scepen(en)/ comen es eisdem