Alsoe als ten v(er)volge willems van lele [jasp(er)s va(n) wilre] als p(ro)cur(eur) der/ wed(uw)[en] wi hee(re)n m(er)tens van wilre die met scepen(en)/ brieven van loven(e) heeft opde goede hier nae volgen(de)/ xviii mudden even(en) erfpachts gescreve(n) es geweest met/ brieve(n) van des(er) stadt hem aen den meye(r) van wave(r) oft/ zijne(n) stadhoude(r) hem alle de selve goede te leve(re)n oft/ den bring(er) der voirs(creven) brieve(n) in zijne(n) name ende pete(re)n/ otten oft hij hem d(aer)tegen hadde willen oppone(re)n dach/ van rechte op heden dienen(de) alhier te compare(re)n inde/ banck voir meye(r) en(de) scepen(en) van loven(e) doen be/ scheiden Ald(aer) de voirs(creven) pet(er) noch nyema(n)t van/ zijne(n) wegen en es geco(m)pareert den voirs(creven) geleidde(n)/ co(m)pare(re)nde en(de) trecht vort v(er)sueken(de) soe hebben/ de scepen(en) van loven(e) yerst aengehoirt pauwelse/ bierma(n)s bode te voete van des(er) stadt die cleerde/ bij zijne(n) eede de leveri(n)ge [geschiet te zijne] sond(er) enige dach bescei/ dinge yema(n)de gedaen te zijne wa(n)t de goede al/ ledich lagen soe hij cleerde