Tusschen henricke vekenstijl en(de) janne van arren/ berge becke(r) ter eenre en(de) willem(me) molmans/ als man en(de) mo(m)boir der weduwen van hondsb(er)ge/ ter ande(r) zijden aengaen(de) der pandinge(n) die de/ selve henrick de en(de) jan gedaen hadden opde/ goede der selver wed(uw)[en] voir gebreck van eend(er)/ amen wijns erfpachts d(aer)af de voirs(creven) willem/ meynde te genyeten(e) en(de) te gestaen(e) gelijc ande(r)/ die den hee(re) pachtwijn sculdich zijn Es mynlijc/ v(er)claert en(de) geappointeert want de rintm(eeste)r ind(en)/ name vanden hee(re) ter liefden vand(er) stadt uuyt/ gestelt heeft de betalinge van zijne(n) pachte/ totten naisten wijntijde dat de voirs(creven) p(er)sone(n)/ oic tot dien tijde v(er)beiden sullen enige uut/ pandinge te doen(e) tot dien om alsdan d(aer)inne/ gedaen te wordden(e) soemen ande(re)n van geliken/ doen sal d(aer)op zij de pande ov(er)geve(n) sullen sond(er)/ p(re)judijs van hue(re)n rechte cor(am) buetsele burg(imagistr)[o]/ et plu(r)ibus aliis de (con)s(ili)[o] maii xxi