Ind(er) saken van gescille geport voir den raide vand(er) stadt/ tusschen ja(n)ne de ma(n)demake(re) inden name en(de) van wege(n)/ smeyers van ca(m)penhout ter eenre zijd(en) en(de) he(n)rick vand(en)/ hornicke diens goede de voirs(creven) meye(r) hadde gearresteert/ en(de) de selve henr(ick) als porte(r) van des(er) stadt uutgescreve(n)/ hadde ter ande(re) seggen(de) de voirs(creven) jan inden name/ als voi(r)e dat de voirs(creven) henricke tonrechte de voirs(creven)/ brieve(n) van ontslage hadde geimpetreert hopen(de) voir/ zijne co(n)clusie dat dien niet tegenstaen(de) hij ende/ zijn goeden souden wordden gere(n)voyeert ter plaetsen/ van buertmeerbeke want de voirs(creven) meye(r) die ald(aer)/ nae recht hadde gearresteert Ov(er)mits dat de voirs(creven)/ / henrick boven dien dat de voirs(creven) meye(r) d(aer) te voi(r)en/ aen den voirs(creven) meye(r) hadde geco(m)mert drie rinschguld(en)/ die hij als borge jans van bullestrate(n) sculdich was/ den provost vanden maerscalcken en(de) enigen inge/ seten(en) van mechelen die rinschguld(en) over geg(even)/ hadde en(de) betailt den selve(n) provost en(de) ingeseten(en) mits/ den welken soe v(er)re hij des gethoene(n) conste des hij hem/ v(er)mat hij contenteerde totten voirs(creven) re(n)voye Den voirs(creven)/ henr(icke) sustine(re)nde de contra(r)ie ontkinde de voirs(creven) yerste/ co(m)meringe behoirlijc nae recht aen hem te zijne geschiet/ Es get(er)mineert bijden voirs(creven) raide yerst aengehoirt/ den thoen van p(ar)tien besund(er) vand(en) voirs(creven) janne inden/ name als voi(r)e die des niet en volqua(m) dat zij met/ zijne(n) eyssche ende co(n)clusien opden voirs(creven) henricke es/ v(er)doelt in (con)s(ili)[o] junii xvi