Ald(aer) voir den raide vand(er) stadt comen zijn jan/ storre joha(n)nes en(de) gheert vasont gebruede(re)n/ te kynne(n) geven(de) hoe andries wilen storre en(de)/ clere(n) vasont zijne huysvr(ouwe) te kynne(n) geven(de)/ hoe de voirs(creven) wilen gehuysschen jonghe weesen/ acht(er) gelaten hadden begeren(de) en(de) versueken(de) d(aer)om/ aen de stadt die ov(er)ste mo(m)boirs zijn van allen/ weesen p(ro)visie(n) en(de) mo(m)boirs d om de voirs(creven) kinde(re)/ en(de) weesen en(de) hue(r) goede ten meesten p(ro)ffijte te/ rege(re)n geordineert en(de) gestelt te wordden(e) Soe/ zijn bijd(er) selv(er) stadt tott(er) mo(m)borien geordineert ge/ deputeert en(de) geauctoriseert vand(er) stadt wegen/ goirdt vand(en) berghe en(de) (christ)iaen(en) de nausnijde(re) scepen(en)/ jan van storre brued(er) des voirs(creven) wilen andries/ ja(n)nes en(de) gheerdt vasont gebruede(re)n der voirs(creven)/ wilen clee(re)n om de selve kinde(re) en(de) hue(r) goede/ bij hen oft den ghene(n) die zij d(aer)toe co(m)mitte(re)n/ sullen geregeert te wordden(e) op goede rekeni(n)ge/ die zij oft hue(r) geco(m)mitteerde d(aer)af sculdich sulle(n)/ zijn te doen(e) in (con)s(ili)[o] opidi julii xxix dece(m)br(is) v