Vand(er) questien die comen es voir den raide vand(er)/ stadt tusschen lodewijke vand(er) borch die ald(aer) o(n)tbode(n)/ hadde eene vrouwe(n) p(er)soen geheete(n) katline(n) pols/ weduwe wilen jans stoocx die vand(en) selve()n lod(ewijcke)/ zeke(r) lande te pachte hielt gelegen ond(er) hulde/ berghe Seggen(de) de selve lodewijck hoe zij zijn/ lande hadde laten liggen al driesch en(de) ongewonne(n)/ en(de) meynde hoe wel hue(r) pechtinge die hue(r)/ man tegen hem gedaen hadde noch duerde zij/ der selver pechtingen o(n)tslagen en(de) ongehoude(n)/ soude zijn mits dat de selve hue(r) man aflivich/ wordden was Beg(er)de d(aer)om dat de selve vrouwe/ alsoe ond(er)wesen wordde dat zij den lande(n) hue(r)/ / p(ro)ffijt dade als pechteners sculdich wae(re)n van/ doen(e) soe langhe hue(re)n termijn duererde en(de)/ dat zij hem opleyde tghene des zij hem d(aer)af/ tachter was sustine(re)nde dat dat alsoe behoirde/ ende sculdich wae(r) te geschieden(e) te voirde(r)/ want hij huer p(rese)nteerde te doen(e) alsoe men/ bove(n) ende beneden van geliken doen soude/ oft alsoe geordin(er)t soude wordden D(aer)tegen/ de voirs(creven) weduwe seyde dat hue(r) man aflivich/ en(de) inden orloge huer afgeslagen was en(de) dat/ zij hue(r) beesten coeye p(er)den en(de) meest deel/ hue(r) have v(er)loren hadde en(de) was een arm wijf/ dier niet mogelijc en wae(r) de voirs(creven) lande te/ wynnen oft te doen wynne(n) en(de) zij hadde hem/ t(er)stont als hue(r) man aflivich wordden was de/ pechtinge opgeseet sustine(re)nde mits dien d(aer)af onge/ houden te zijne En(de) opde scult dede de selve/ weduwe lesen eene cedulle van div(er)sen coste(n)/ en(de) opde lande gedaen die zij sustineerde dat huer/ de voirs(creven) lodewijck sculdich soude zijn te cortten(e)/ van des zij hem tacht(er) was van voirleden(en) tijden/ D(aer)op lodewijck seyde dat die costen en(de) meer/ ande(r) eens al gerekent hadden geweest en(de)/ afgeslagen sustine(re)nde als voi(r)e dat zij de/ pechtinge souden blive(n) houden(de) en(de) hem in dien/ te voldoen(e) oft zijne(n) moet d(aer)af te hebben(e)/ Te voirde(r) wa(n)t al hadde zij de pechtinge opgeseet/ lodewijck en hadde die niet willen ov(er)neme(n)/ wa(n)t zij selve lande hadde d(aer)bij die zij wel/ en(de) loflijc hadde gewonne(n) en(de) doen wynne(n)/ ende d(aer)toe p(er)de(n) gecocht mits den welken/ zij hem oic sculdich soude zijn te voldoen(e)/ Opde p(rese)ntacie bij hem gep(rese)nteert met meer/ / woirden ter eend(er) en(de) ter ande(r) zijden gealleg(er)t/ es get(er)mineert ende uuytgesproken dat p(ar)tien/ aengaen(de) hue(re)r questien sullen gaen bij een en(de)/ reken(en) met malcande(re)n overcomen op dat zij/ connen ende bij alsoe zij des niet en ov(er)come(n)/ en(de) lodewijck huer der pechtinge(n) niet en wilt/ v(er)dragen dat de wed(uw)[e] sculdich sal zijn de/ pechtinge te voldoen(e) den t(er)mijn uuyt dat/ die noch duert op de p(rese)ntacie bij lodewijcke/ gep(rese)nteert in pleno (con)s(ili)[o] opidi januarii xiii