Item want de voirs(creven) xviii rinschguld(en) erflic gecocht zijn/ metten pe(n)ni(n)gen gecomen van zeke(re)n rinten den voirs(creven)/ meest(er) jaspar bekint en(de) bebrieft voir en(de) met scepen(en) brieve(n)/ van loven(e) vand(er) daet xiii junii a(n)no lxxxvii soe es voirw(er)de/ ende hebben alle de p(er)sonen voirs(creven) ind(ivisim) bekint en(de) geloeft/ soe wa(n)neer zij de selve xviii rinschguld(en) sullen wille(n)/ lossen en(de) afleggen dat zij dat sullen doen met d(enieren) tot/ alsulken prijse en(de) valeure als de bekinders vande(n) rinte(n)/ bebrieft inden jae(re) van lxxxvii voirs(creven) sculdich souden zijn/ te doen(e) nae recht soe verre de selve rinte noch/ stonde aengesien dat dese rinte uuyt dier gespruyt es/ coram eisdem