Tusschen gielijse vanden meertshove(n) den ouden en(de)/ hubrechte de becke(re) vette(r) die tegen den selve(n)/ gielijse gecocht heeft alle de calfsvellen die de/ voirs(creven) gielijs hebben sal tusschen dit en(de) s(in)[t] jansdach/ naistcomen(de) als p(ar)tien bekinden d(aer)af de voirs(creven)/ hubrecht meynde te gestaen(e) met lichte(n) gelde/ te betalen(e) mits dat de come(n)scap geschiet/ was ten tijde dat lichtgelt loop hadde en(de) de/ voirs(creven) gielijs meynde dat hij d(aer)af swaer gelt/ hebben soude wa(n)t de voirs(creven) hubrecht hem de/ come(n)scap opgeseedt hadde te kermisse lestleden/ om dat hij hem beduchte zwaer gelt te moete(n) gheve(n)/ nochtan dat hij dae(re)nbove(n) noch o(n)tfaen hadde/ alle de vellen die hij gehadt hadde tott(er) vasten(en)/ lestleden Es nae dien hen p(ar)tijen gesubmitteert/ hadden inden raide vand(er) stadt geappointeert en(de)/ uuytgesproken dat de voirs(creven) hubrecht vander/ vellen die hij tot nochtoe o(n)tfanghen heeft en(de)/ o(n)betailt zijn sal betale(n) de twee deel licht/ gelt en(de) tderdel swaergelt en(de) vand(en) ghenen/ die de voirs(creven) gielijs vorts hebben sal tot s(in)[t]/ jans(mis)s[e] toe naistcomen(de) sal de voirs(creven) hubrecht/ / die sculdich zijn tontfangen(e) en(de) d(aer)af te betalen(e)/ al swaergelt Act(um) in (con)s(ili)[o] opidi ap(ri)lis ii