It(em) de voirs(creven) ghijsbrecht als geleydt heeft gecleert/ bij zijnd(er) manwairheit dat de voirs(creven) goede bij/ hem naevolgen(de) den vo(n)nisse van contu(m)acien gere/ gistreert staen(de) xxiii septe(m)br(is) lestleden zijn v(er)cocht/ op hoegen en(de) dat de kercgeboden d(aer)af behoirlijck/ zijn geschiet alsoe hij dat oic bij c(er)tificacien/ des meyers van cu(m)ptich heeft in p(rese)ncien van scepen(en)/ doen bliken Ende dat die geh gegouden hebben/ vijf r(insch)guld(en) te xx st(uvers) tstuc erflic en(de) dae(re)nbove(n)/ noch xxiiii liiii r(insch)guld(en) oic te xx st(uvers) tstuc met/ welken liiii r(insch)guld(en) de voirs(creven) he(n)rick naevolgen(de)/ der voirs(creven) voirw(er)den vand(er) coma(n)scap tusschen dit/ en(de) s(in)[te] andriesdach naistcomen(de) sculdich sal zijn/ te lossen(e) alsulken vie(r) sacken corens erfpachts/ d(aer)mede de voirs(creven) wilen qui(n)ten de voirs(creven) goede belast/ heeft aen [vacat] boechmake(r) die/ gecocht wae(re)n met lichten gelde En(de) soe wes de/ voirs(creven) liiii r(insch)g(ulden) ten tijde vand(en) selve(n) s(in)[t] andries/ dage nae loop vand(er) mu(n)ten alsdan cours / hebben(de) beter sullen zijn dan de pe(n)ni(n)ge die/ voir dafleggen vand(en) selve(n) vie(r) sacken corens/ erfpachts gegeve(n) sullen moete(n) wordden sal den/ voirs(creven) he(n)ricke cortten aen de po(n)tpe(n)ni(n)gen bra(n)t/ scatte en(de) den cost van des(er) guedingen die de/ voirs(creven) henrick d(aer)op in afslage naevolgen(de)/ der come(n)scap sculdich sal zijn te v(er)leggen(e)/ Ende dae(re)nbove(n) es vand(en) selve(n) goeden gecome(n)/ vand(en) hogen(e) xlii st(uvers) eens sond(er) meer En(de)/ des voirs(creven) ghijsbrechts gebreck draicht v r(insch)g(ulden)
//
erflic d(aer)voi(r)e de voirs(creven) ghijsbrecht borghe staet/ voir den voirs(creven) wilen qui(n)ten(e) aen magriete(n) drabs/ wed(uw)[e] jans wilen van hulselair vand(en) welken/ de voirs(creven) henrick hem mits des(er) sculdich sal zijn/ costeloes en(de) schadeloes te houden(e) en(de) to(n)theffen(e)/ en(de) de selve v r(insch)guld(en) erflic van nu vortaen(e)/ tzijnen laste te nemen(e) Ende dae(re)nbove(n)/ heeft de voirs(creven) ghijsbrecht v(er)leet aen een/ beleydt xxvi(½) st(uvers) en(de) aen de leveri(n)ge aen den/ meye(r) van cu(m)ptich tsamen ix st(uvers) It(em) aen tvo(n)nisse/ van contu(m)acien mette(n) voirsprake xv pl(e)c(ken) vand(er)/ wed(uw)[en] hierbynne(n) mette(n) mo(m)boirs van hue(re)n/ kinde te dagen(e) tsamen i(½) st(uvers) aen den brief vand(er)/mett(er) p(ro)clamacie(n) mette(n) meye(r) en(de) bode tsamen/ x st(uvers) Ende doen de meye(r) van cu(m)ptich mette(n)/ scepen(en) d(aer)op sat om te v(er)coopen(e) betailt xiii st(uvers)/ i pl(e)c(ke) It(em) voir den pacht vand(en) voirs(creven) vijf r(insch)g(ulden)/ erflic betailt en(de) v(er)leet vijf r(insch)g(ulden) eens welke/ costen tsamen loopen op viii r(insch)g(ulden) v st(uvers) eene/ pl(e)c(ke) d(aer)tegen hij vand(en) hoogen niet meer en/ heeft gehave(n) dan xlii st(uvers) eens aldus rest/ den voirs(creven) ghijsbrechte noch vi r(insch)g(ulden) iii st(uvers) i pl(e)c(ke)/ sond(er) de costen van ande(re)n leveri(n)gen van ande(re)n/ goeden te hev(er)le en(de) bynne(n) loven(en) gelege(n) Eisd(em)/ gedaen Eisd(em)