Naer dien gielijs vijte van mechelen voir den borge(r)/ meest(er) hadde o(n)tboden willem(me) de wale en(de) de selve/ willem vorts lodewijke lesens beg(er)de de voirs(creven)/ gielijs vand(en) voirs(creven) willem(me) betalinge van xxi r(insch)g(ulden)/ vi st(uvers) die hij hem tacht(er) was van seke(re)n gecochte(n)/ wijne bij hem gecocht D(aer)tegen de voirs(creven) wille(m)/ seyde dat hij die vorts v(er)cocht hadde den voirs(creven)/ willem(me) en(de) de selve so(m)me laten staen ond(er) den/ voirs(creven) lodewijke bege(re)nde scult met scult te/ betalen(e) d(aer)op lodewijck seyde bekynnen(de) de scult/ dat hem niet moegelijck en wae(re) die te betalen(e)/ hij en hadde d(aer)toe redeliken dach d(aer)mede de/ voirs(creven) gielijs niet te vreden en woude zijn/ mair hielt zijn scult aen den voirs(creven) willem(me) Es/ get(er)mineert en(de) uutgesproken dat de voirs(creven) wille(m)/ den voirs(creven) gielijse v(er)nuegen sal en(de) de voirs(creven) lodewijck/ vorts den voirs(creven) willem(me) vand(er) voirs(creven) so(m)men en(de)/ dit al tusschen dit en(de) lichtmesse naistcomen(de)/ oft dat de voirs(creven) willem den voirs(creven) lichtmesse/ ov(er)leden d(aer)voi(r)e soude moegen gaen panden/ ten huyse des voirs(creven) lodewijcx In (con)s(ili)[o] eod(em)