Alsoe als ten vervolge pet(er)s de naen als p(ro)cur(ator)s/ jouffr(ouwe) magrieten bollarts weduwe meest(er)/ anthonijs wilen draye(re) cyrurgijns zijnd(er) sweg(er)/ geleydt zijnde nae den rechte van des(er) stadt/ uut crachte van scepen(en) brieve(n) van loven(en) tot/ alle den goeden beide have en(de) erve laureys/ wilen bloemen soe wair die gelegen zijn/ gescreve(n) es geweest met brieve(n) van des(er)/ stadt aen den meye(r) van halen oft zijne(n) stad/ houde(r) te beetse hem alle de selve goede te/ leve(re)n en(de) te doen volgen oft den bring(er) der/ voirs(creven) brieve(n) in zijne(n) name Ende dat in ge/ valle van opposicien de kinde(re) des voirs(creven) wilen/ laureys alhier comen wae(re)n inde banck voir/ meye(r) en(de) scepen(en) van loven(en) op heden te mistijde/ ald(aer) de voirs(creven) kinde(re) oft yema(n)t van hue(r)en wege(n)/ niet en zijn geco(m)pareert den voirs(creven) geleidden/ co(m)pare(re)nde en(de) trecht vort v(er)sueken(de) Soe hebbe(n)/ de scepen(en) van loven(en) yerst ae(n)gehoirt gielijse/ eveloege bode te voete van des(er) stadt die/ cleerde bij zijne(n) eede de leveri(n)ge en(de) dachbe/ scheidinge voirs(creven) behoirlijck geschiet te zijne/ te zijne ter manissen smeyers gewesen met/ vo(n)nissen datmen den voirs(creven) geleidde(n) vand(en)/ voirs(creven) goede(n) houden soude inde macht van/ zijne(n) scepen(en) brieve(n) soe v(er)re het noch voir/ scepen(en) comen es in sca(m)pno Cora(m) o(mn)ibus/ de(m)pt(is) pynnock keersmake(re) m(ar)tii x