It(em) jan de decke(re) doude jan boone arndt de decke(re) en(de)/ jan de decke(re) de jonghe als late des p(re)laets en(de) goidsh(huys)/ van vlierbeke in p(rese)ncia hebben openbaerlijc getuycht/ en(de) v(er)cleert dat pet(er) vanden zande he(n)rick de punde(re)/ peter rogghe en(de) machiel oliviers beyde behuwede/ sonen des voirs(creven) henricx de punde(re) en(de) he jannes van/ bierbeke zijn gecomen mette(n) meyere en(de) laten bove(n)/ genoe(m)t op een boend(er) lants gelegen inde p(ro)chie van/ bierbeke opt velt geheeten graume(re) tusschen de goede/ wout(er)s brabant te twee zijden de meststrate ter derd(er)/ ende de fermerie vand(en) beghijnhove te loven(en) ter/ vierder zijden Croonen(de) ende clagen(de) hoe dat de gronthee(re)n/ vanden voirs(creven) goeden voir gebreck van hue(re)n chijsen po(n)t/ pe(n)ni(n)gen en(de) heerlike rechten gedaicht hadden en(de)/ dat de selve pet(er) vand(en) zande en(de) zijn medeplege(re)n/ den voirs(creven) gronthee(re)n van hue(re)n dagemente(n) v(er)nuecht/ hadden ende de selve dageme(n)ten gescudt Thoenen(de)/ ende exhiberen(de) ald(aer) opden gront zeke(re) brieve(n) en(de)/ bescheydt d(aer)mede zij opde selve goede en(de) meer/ ande(re) Te weten(e) de voirs(creven) peter vanden zande vijf/ mudden henrick de punde(re) ende zijn kinde(re) een mudde/ ende de voirs(creven) jannes van bierbeke vie(r) mol(evate) corens/ erfpachts hadden en(de) dat zij d(aer)af in gebreke wae(re)n van/ betalingen van hue(re)n pachten gevallen van s(in)[te] andr(iesmiss)[e]/ lestleden Ende riepen en(de) deden ald(aer) vort roepen/ den mo(m)boirs p(ro)cur(ator)s en(de) facteurs vand(en) grooten gasth(uyse)/ van loven(en) gorde pols en(de) alle ande(re) die hen rechts/ totten voirs(creven) goeden souden willen v(er)meten geleydde/ en(de) ande(re) zij wae(re)n bynne(n) lants oft buyten lants/ ende daichden alsoe opde selve goede met daghe(n)/ ende hoefs rechte en(de) de conde d(aer)af met rechte/ gedaen in des voirs(creven) gasthuys hof gelegen bynne(n)/ der p(ro)chien van bierbeke aen den wyn ald(aer) ende/ dae(re)nbove(n) noch te bierbeke ond(er) de clocke en(de)/ allen p(ar)tien dach bescheiden van dien dage in/ xv dagen nae der noenen mett(er) zonne(n) met coste/ en(de) co(m)me(r) Te welken dage de voirs(creven) jannes van/ bierbeke opden gront co(m)pareerde en(de) exhibeerde/ ald(aer) eene p(ro)cu(r)acie ond(er) den segel der stadt van
//
loven(en) d(aer)mede hij gemechticht was vand(en) voirs(creven) pete(re)n/ vanden zande he(n)ricke de punde(re) pete(re)n rogghe en(de)/ machiele oliviers en alle hue(re) saken ende wachte ald(aer)/ inden name van hem selven en(de) als p(ro)cur(ator) vanden/ voirs(creven) p(er)sonen oft hem yema(n)t betalinge hadde willen/ doen van hue(re)n wettigen gebreken met oic tghene/ d(aer)af zij den gronthee(re)n hadden moeten contente(re)n en(de)/ den costen en(de) lasten d(aer)op gedaen alsoe dat nae/ recht behoirde Ende heeft de selve jannes inden/ name als voi(r)e alsoe vort ten tweesten d ten derden/ van rechte en(de) vierden dagen van gracien met v(er)ande/ ringen van hen laten voirs(creven) behoirlijck en(de) met rechte/ gecroent gedaicht ende gewacht en(de) den voirs(creven) p(ar)tien/ en(de) allen ande(re)n altijt vortgeroepen soe nae recht/ behoirde bynne(n) welken vie(r) dagen en(de) nachten/ nyema(n)t geco(m)pareert en es om den voirs(creven) ja(n)nese van/ zijnen gebreken inden name als voi(r)e betalinge en(de)/ hantvullinge te doen(e) den selve(n) ja(n)nese als voi(r)e altijt/ co(m)pare(re)nde en(de) trecht v(er)sueken(de) Ende dat d(aer)op de/ voirs(creven) laten van hue(re)n meyers ten versueke des/ voirs(creven) ja(n)nes gemaent zijnde en(de) hen beraden hebben(de)/ hebben gewesen met vo(n)nisse alle de ghene die/ jonge(re) actie hebbe dan de voirs(creven) jannes inden/ name als voi(r)e en(de) met rechte es laten weten/ uten voirs(creven) goeden ende den voirs(creven) pete(re)n vanden/ zande he(n)ricke de punde(re) pete(re)n rogghe machiele/ oliviers en(de) ja(n)nese van bierbeke ende elken van/ hen nae avena(n)t van hue(re)n gebreken en(de) actien/ d(aer)inne Qui hec rogan(tes) quod faciu(n)t buetsele/ vynck augusti penulti(m)a