Want arndt van hove en(de) gielijs crol als/ geleydt naeden rechte van des(er) stadt uut/ crachte van scepen(en) brieve(n) van loven(en) tot/ alle den goeden beide have en(de) erve/ symoens maersscalck soe wair die gelege(n)/ zijn hem met janne de putte(re) vorste(r)/ van des(er) stadt alle de selve goede heeft hebbe(n)/ doen leve(re)n Ende den voirs(creven) symoen(e) oft/ hij hem d(aer)tegen hadde willen oppone(re)n/ dach van rechte op heden dienen(de) inde/ banck voir meye(r) en(de) scepen(en) van loven(en)/ doen bescheide(n) ald(aer) de voirs(creven) symoen/ oft yema(n)t van zijnen wegen niet en/ is gecompareert den voirs(creven) geleidden co(m)/ pare(re)nde en(de) trecht vort v(er)sueken(de) Soe/ hebben de scepen(en) van loven(en) yerst aenge/ hoirt den voirs(creven) janne den vorste(r) die/ cleerde bij zijne(n) eede de leveri(n)ge en(de)/ dach bescheidi(n)ge voirs(creven) behoirlijck geschiet/ te zijne datmen ter maniss(en) smeyers/ gewesen met vo(n)nisse datmen den voirs(creven)/ geleidden vand(en) voirs(creven) goeden houde(n) soude/ inde macht van hue(re)n scepen(en) brieve(n)
//
beleide soe v(er)re het noch voir hen scepen(en)/ comen is in sca(m)pno ap(ri)lis ulti(m)a