Nae dien jan loenijs met drie rastementen/ behoirlijck nae des(er) stadt recht gevolght heeft/ op seke(re) haeffelike goede jans bon co(m)paingnon/ inden creeft inde steenstrate zijnde voir seke(re)/ scult die hij hem eysschen(de) was en(de) de conde/ inden voirs(creven) creeft gedaen is w geweest ter p(rese)ntien/ vand(er) huysvrouwe(n) des voirs(creven) jans bon co(m)paingnon/ oft hij de voirs(creven) goede hadde willen v(er)antw(er)den/ te co(m)pare(re)n inde banck voir meye(r) en(de) scepen(en)/ van loven(en) tot eene(n) seke(re)n dage van rechte te/ mistijde ald(aer) de voirs(creven) jan bon co(m)paingnon oft/ yema(n)t and(er)s van zijnen wegen niet en is/ geco(m)pareert den voirs(creven) ja(n)ne loenijs co(m)pare(re)nde/ en(de) trecht vort v(er)sueken(de) Soe is op heden ge bij scepen(en) va(n) loven(en)/ ter manissen smeyers gewesen met vo(n)nisse/ nae dien behoirlijck gebleken is de bij cleerniss(en)/ gielijs de vos vorst(er)s van des(er) stadt de voirs(creven)/ drie rastemente(n) en(de) de conde behoirlijck gedaen/ te zijne Dat de voirs(creven) jan loenijs sculdich/ sal zijn zijne voirs(creven) scult te ve(r)ifice(re)n bij/ eede en(de) dae(re)ntynden recht in sca(m)po p(rese)nt(ibus)/ duffle lyefke(n)rode buetsele hoeven junii/ xiiii