Vand(er) questien gecome(n) voir den raide vand(er) stadt/ tusschen pete(re)n van voshem vleeshouwe(r) ter eend(er)/ ende m(ar)griete(n) snaens ter ande(re) zijden Aengaen(de)/ der so(m)men van xxi ryns g(ulden) die der selv(er) m(ar)griete(n)/ in eend(er) uutspraken bij goede ma(n)ne(n) tande(re)n tijden/ aengeseet zijn bij den voers(creven) pete(re)n uutgereyct ende/ betaelt te wordden(e) te drie payeme(n)te(n) Te weten(e)/ deen derdel te kersmesse dand(er) derdel te sinxen(en) beyde/ lestleden ende tderde derdendeel te loeven(en) kermesse/ naestco(mende) van welker so(m)men de voers(creven) pete(r) in afslage/ tot behoef der voirs(creven) m(argrie)[ten] gestelt hadde x ryns g(ulden)/ lichts gelts die de voers(creven) pet(er) meynde dat cortte(n) soude(n)/ want de voers(creven) goede ma(n)ne(n) uutgesproke(n) hadden soe/ v(er)re de voers(creven) pet(er) de so(m)me geheel gegeve(n) conste voir te/ kersmesse dat hem dat te bate(n) come(n) soude en(de) tsurplus/ p(rese)nteerde de voers(creven) pet(er) te betalen(e) met sulke(n) gelde/ als ten t(er)mijne(n) en(de) valdag(en) cours hebbe(n) souden/ Ende de voers(creven) m(ar)griete sustineerde dat hij m(er)/ tderdel licht gelt gheve(n) en soude en(de) tsurplus/ swaer des zij haer oic gedroech totten verstande va(n)d(en)/ goed(en) ma(n)nen die d(aer) over hadden geweest V(er)sueken(de)/ ten slote vanden ii t(er)mijne(n) te weten(e) va(n) kersmesse/ en(de) sinxen(en) betaling(en) vand(en) eene(n) t(er)mijn licht en(de)/ vanden ande(re)n t(er)mijne gelt als nu cours hebben(de)/ Es nae dien de drie vand(en) goed(en) [ma(n)ne(n)] die ov(er) duytsprake/ hadden geweest gehoirt hebbe(n) geweest uutgesproken/ ende get(er)mineert voir recht dat de voers(creven) x r(yns) g(ulden)/ in lichte(n) gelde gesedt den voers(creven) pete(re)n afslach doen/ sulle(n) aen de voers(creven) xxi r(yns) g(ulden) en(de) tsurplus sal de/ voers(creven) pet(er) p betalen deen helicht die nu v(er)schene(n)/ es in alsulke(n) gelde als tegewoirdelijc cours heeft en(de)/ dand(er) helicht te [lov(en)] kermesse naevolgen(de) der uutsprake(n)/ In (con)s(ili)[o] opidi junii ulti(m)a