Alsoe als ten vervolge b(er)thelmeeus de ruyssche rintmeest(er)s/ en(de) voirgang(er)s tsgodshuys vande(n) witte(n) jouffr(ouwen) te loeven(en)/ en(de) jouffr(ouwe) lijsbett(en) claes religieuse professe inde(n) selven/ godshuyse geleyt zijnde voir sijn wettich gebreck nae des(er)/ stad recht uut crachte van scepen(en) brieve(n) van loeven(en) tot alle/ den goeden beyde have ende erve arnts wijle(n) svorsters/ soe wair die gelege(n) sijn gescreve(n) es geweest met brieve(n)/ van des(er) stad aen den meye(r) van halen oft zijne(n) stadhoude(r)/ hem alle deselve goede te leve(re)n ende te doen volge(n) oft/ den bringe(r) der selv(er) ons(er) brieve in zijne(n) name Ende lyebrechte/ svorsters sone svoirs(creven) wijle(n) arnts oft hij teg(en) de voirs(creven)/ leveri(n)ge yet hadde wille(n) allige(re)n dach van rechte op heden/ dienen(de) alhier te compare(re)n inde banck voir meye(r) en(de) scepen(en)/ van loeven(en) doen bescheyden aldair de voirs(creven) lyebrecht/ noch p(ro)cur(ator) van sijne(n) weg(en) en es gecompareert den/ voirs(creven) b(er)thelmeeuse compare(re)nde ende trecht voirt versueken(de)/ Soe hebben de scepen(en) van loeven(en) yerst aengehoirt gielijse/ eveloege des(er) stad bode die cleerde bij zijne(n) eede de/ leveringe ende dachbescheydinge hem behoirlijck geschiet/ en(de) gedaen te zijne ter maniss(en) smeyers gewesen voir/ een vo(n)nisse datmen den voirs(creven) geleydde(n) vande(n) voirs(creven)/ goeden houden soude inde macht van sijne(n) scepen(en) brieve(n)/ beleydde soe verre het noch voir hen scepen(en) come(n) es cor(am)/ om(n)ibus dempt(o) kersmake(re) aug(usti) ultima