Cont zij alle(n) lieden dat vrancke van nethenen sone wijlen/ jans ende marie guedens sijn huysvr(ouwe) in p(rese)ntia hebben/ genome(n) ende bekint dat zij genome(n) hebben van hee(re)n woute(re)n/ van voshem als p(ro)cur(ator) ende voirgange(r) van ons(er) liever vrouwe(n)/ inder kercken van sinte g(er)truyden te loeven(en) twee boende(re)n lants/ oft dair omtrint ons(er) liever vrouwe(n) toebehoiren(de) geleg(en) te/ velthem in twee stucken aldair opt velt geh(eten) den driesch/ dair aff deen houden(de) een boender es gelege(n) naist den goeden/ everarts wijlen van wynghe op deene en(de) den heylige(n)gheest/ van loeven(en) op dande(r) zijden Ende dander houden(de) oic een/ boender tussche(n) de goede desselfs wijle(n) everarts in beyde(n) zijden/ Te houden te hebbe(n) ende te wynne(n) van s(in)t andriesmisse/ naistcomen(de) eene(n) t(er)mijn van xii jae(re)n lang due(re)nde deen/ nae dander sonder middel vervolgen(de) elcx jairs d(aer)enbynne(n)/ om ende voe(r) twee mudden rocx pag(abilis) cu(m) va(n)no mensure/ lovan(iensis) alle jae(re) s(in)t andriesmisse apostels te betalen(e) ende/ te loeven(en) dairt den voirs(creven) procur(ator) gelieve(n) sal te leve(re)n/ den voirs(creven) t(er)mijn due(re)nde quol(ibe)t ass(ecutu)[m] Met vorweerden dat/ de voirs(creven) wynne(n) tvoirs(creven) lant wynne(n) ende werve(n) sulle(n)/ gelijck regenote(n) bove(n) ende beneden ende dat bynne(n) den
//
lesten drie jae(re)n vand(en) voirs(creven) t(er)mijne eens loflijck moete(n)/ overmesten ende en sulle(n) die bynne(n) den selve(n) iii jae(re)n/ niet moege(n) hoervruchten ende zij sulle(n) deen stuck vande(n)/ voirs(creven) landen ten leste(n) jae(re) vande(n) voirs(creven) t(er)mijne laten stortte/ eens o(m)megedaen ende dander stuck geheel Oick zulle(n)/ sij [jairlijx] bynne(n) den voirs(creven) t(er)mijne deselve lande mergele(n) elc/ boender met twee voede(re)n merghels Ende alle dese vorw(er)den (et)c(etera)/ cora(m) buetsele vynck sept(embris) iii