It(em) de voirs(creven) lodewijck als oir ende erfgename vanden/ goeden hem verschene(n) ende verstorve(n) nae de doot willems/ wijlen van berlair sijns brueders als hij leefde ende hem/ toecome(n) soude nae de doot der wed(uw)[en] desselfs wijlen/ willems dair inne deselve weduwe de tocht heeft/ in p(rese)ntia heeft geloeft peete(re)n de wale en(de) paesschijne(n)/ van berlair sijnder huysvr(ouwe) dochter wijlen boudewijns/ van berlair brueders als hij leefde des voirs(creven) lodewijcx/ voir hem selve(n) en(de) oick inden name en(de) tot behoef der/ ande(re) meghelinge sust(er) ende brueder kinde(re)n des voirs(creven)/ lodewijcx In gevalle hij der voirs(creven) wed(uw)[en] des voirs(creven)/ wijlen willems overleefde en(de) hem de voirs(creven) goede/ in hande(n) quame(n) dat hij die niet en sal verande(re)n/ verthie(re)n noch moegen vercoopen mair die alleene hij/ ende sijne huysvrouwe soe verre sij hem overleefde/ besitte(n) ende gebruycke(n) ten wae(re) dat hijs van noode/ wae(re) In welke(n) gevalle hij deselve goede sal moege(n)/ verande(re)n oft verthie(re)n tot zijnder nootdorft behoeff ende/ anders niet ende heeft gewilt en(de) geordineert dat/ sijnder brueder en(de) suster kinde(re)n die nae sijn doot nae/ den lantrechte deylen sulle(n) cor(am) eisd(em)