Allen den ghenen (et)c(etera) doen cond dat lodewijck va(n) schore/ onse getrouwe secretar(is) als man en(de) mo(m)boir jouffr(ouwe)/ lijsbetten vander halvermijlen sijnder huysvrouwe(n) wed(uw)[e]/ willems wijlen leyns heeft geconst(itueert) volcome(n) macht/ p(ro)curatie auctoriteyt ende speciael bevel geg(even) henricke/ vanden berghe zijne(n) neve om te manen teysschen inne/ te halen opte bue(re)n ende tontfangen alsulke(n) vie(re)ndertich/ rinsch guld(en) als hem te paesschen oft in aprili lestleden/ gevalle(n) ende verschene(n) sijn ende die hem in tijden/ toecomen(de) valle(n) ende verschijne(n) sulle(n) moegen van dien/ vie(re)ndertich r(insch) g(ulden) tsjaers die peeter leyns brueder des/ voirs(creven) wijlen willems ende gu(m)mair vanden zande sijn zwager/ der selver jouffr(ouwe) lijsbett(en) ghelden(de) ende sculd(ich) sijn uuyt/ saken van huer(er) duwarien huer geloeft Ende op alle/ de goede des voirs(creven) wijlen willems zijns voirs(creven) brueders/ ende suster bewijst nae inhouden der instrume(n)ten ende
//
wettiger contracte(n) d(air) op gepasseert d(air) voe(r) ofts noot/ zij met rechte panden te dagen ende rasteme(n)ten/ te doen leggen ende die texeque(re)n te bedinge(n) te/ wynne(n) ende te verliesen den sculders dair af te/ quite(re)n ende volcome(n) quitan(tie) te geven Ende g(e)n(er)alijc/ ende spetialijck in des voirs(creven) es ende des dien aencleeft/ te doen(e) ende te vorde(re)n allet ghene dat de voirscr(even)/ lodewijck selve doen soude moegen oft hij telker tijt/ ende plaets(en) selve in p(er)soene p(rese)nt tegewoirdich/ ende voir ooghen wa(r)e Geven(de) ende verlenen(de) voirts/ de selve lod(ewijck) den voirs(creven) henr(icke) volcome(n) macht eene(n)/ oft meer p(ro)cur(eur) oft p(ro)cur(eur)s in zijne stede te moegen/ substitue(re)n voir ande(re) wet dair des behoeve(n) en(de) te/ doen sal moegen wesen die gelijke macht hebbe(n) sal/ oft sulle(n) in des voirs(creven) es P(ro)mitt(ens) rat(um) renu(n)t(ians)/ salvo iusto calculo cor(am) berghe h(er)meys no(vem)[br(is)] xxviii