Vander questien die gecome(n) es voir den raide/ vander stad tusschen jacoppe van buetschore ter/ eender ende henricke den hollande(re) briede(r) ter ande(r)/ zijden aengaen(de) eene(n) huyse geleg(en) opde biest toebehoiren(de)/ den voirs(creven) henricke ende dair op de voirs(creven) jacop/ hadde eene(n) [vacat] Welck huys de voirs(creven)/ henrick alsoe de voirs(creven) jacop seyde afbrack ende/ hadde aldair vynste(re)n doren tiechele(n) ende anders/ afgedaen ende ewech gedragen ende vande(n) gronde/ gevuert ende was in meyni(n)ge tselve huys noch/ meer af te breken(e) ende alsdan voir den chijs te laten/ liggen dwelc de voirs(creven) jacop sustineerde dat/ alsoe niet en behoirde mair dat hij dat sculd(ich) wa(r)e/ te laten staen in state ende te repare(re)n soe dat behoirde/ Den voirs(creven) henr(icke) den hollande(re) ter (contra)rien sustine(re)nde/ dat hij sijn erve mocht bete(re)n oft arge(re)n oft late(n) vergaen/ alsoet hem geliefde ende sijne(n) wille d(air)mede doen/ soe lange dair op niet en wordde gedaicht oft/ gevolcht met rechte Es getermineert en(de) uutgesproke(n)/ dat de voirs(creven) henrick tselve gheenssins en sal/ moegen afbreken oft arge(re)n mair dat hij d(air)af sal/ cesse(re)n en(de) dat late(n) staen in state en(de) soe verre hij d(air) aff/ yet gebroken oft ewech hadde dat hij dat sculd(ich) sal/ sijn wed(er)om te restitue(re)n opden grond In (con)s(ili)[o] op(idi) p(rese)ntib[(us)]/ a(m)bob[(us)] burg(imagistr)is h(er)meys vync scab(in)is et plu(r)ib[(us)] aliis de (con)s(ili)[o] aug(usti) vii