It(em) henrick bollens ende lijsbeth promps [sijn huysvr(ouwe)] dochter wijlen/ jans die hij behouden hadde van lijsbett(en) wijlen/ ty(m)mers sijnder yerster huysvr(ouwe) ter eenre ende jan/ breeman cuype(r) ter ande(r) zijden in p(rese)ntia hebbe(n) gekint/ ende gelijdt dat sij met malcande(re)n aengaen(de) huer(er)/ beyder erven neve(n) een geleg(en) inde hoelstrate geh(eten)/ den slotel en(de) cardinaels hoet tussche(n) de h(er)berghe/ geh(eten) den hert ende den valke met malcande(re)n/ aengegaen ende mynlijc eenswordden sijn der pointe(n)/ conditien ende vorweerden hier nae verclairt/ Te weten(e) yerst dat alsulk(en) waterloop als vande(n)/ erve jans wijlen promp sijne(n) loop tot h(ier)toe doir eene/ yse(re)n trailge gehadt heeft over derve jans breeman/ / voirtane sijnen loop hebbe(n) sal ende bliven hebben(de) doir/ de steynen gote staen(de) tusschen derve der voirs(creven) geh(uysschen)/ ende den hert oft dair den voirs(creven) gehuyssche(n) dat/ sal believe(n) behalve(n) dat sij dat niet meer leyden en/ sulle(n) moegen over derve des voirs(creven) jans breeman/ des sullen de selve gehuysschen hue(r) erve ter sijden wert/ des voirs(creven) jans breeman soe vele moete(n) doen hoogen/ dat den muer van drie oft vier voete(n) hooghe die/ jan breeman dair teg(en) sal doen maken noch sijn/ erve dair bij niet bescadicht en wordde It(em) sal/ jan breeman teeuwigen dagen hebben derve van alsulk(en)/ wynckelhaeck als tusschen huer(er) beyder erve nut(er)tijt staet/ te weten(e) vanden ynde oft platte vande(n) stijle tusschen/ huer(er) beyder erve achter aen de schaelgie staen(de) ende dair/ aen de vynsteren vander nedercame(re)n achter hangen ter/ ervenweert vanden voirs(creven) gehuyssche(n) linie recht totter/ middeweert vanden stijle staen(de) aende(n) staldore der/ voirs(creven) gehuyssche(n) dair aen nu jans breeman nuwe(n) muer/ staet ende soe recht doe(r) den stal ter middewerde/ vande(n) balke bove(n) den stal liggen(de) totten ynde uuyt/ vande(n) muere den ketel oft valke toebehoiren(de) ende/ totten dake toe uuyt behalven dat jan breeman die/ erve geheymen sal met eene(n) mure wande oft gestijpte/ ende dat houden tot eeuwigen dagen op sijne(n) cost en(de)/ last Ende sal de selve jan breeman sijn huysken achter/ op sijn erve staen(de) moegen ae(n)vue(re)n aen de voirs(creven) erve/ soe hooge die ty(m)meri(n)ge nu es mair en sal dlicht/ vander erve(n) der voirs(creven) gehuyssche(n) niet voirde(r) moege(n)/ beneme(n) dan voirs(creven) es ende dat opden dach van/ heden es Behalve(n) dat den osydrup vande(n) selven/ huysken sijnen val hebbe(n) sal op derve der voirs(creven) gehuyssche(n)/ gelijc dat nae des(er) stad recht behoirt Welke erve deselve/ gehuysschen mits des(er) den selve(n) ja(n)ne breeman alsoe/ bekynne(n) vercocht te hebben(e) pro certo p(re)cio dequo sat(isfactum)/ Ende hebben dair om de voirs(creven) gehuysschen geloeft/ den voirs(creven) janne breeman dat sij alle chijsen uute(n)/ voirs(creven) hue(re)n huyse en(de) erve gaen(de) en(de) dair voe(r) de/ voirs(creven) vercrege(n) erve mede verobligeert staet soe/ in tijts jairlijcx te betalen(e) dat de selve jan breeman
//
noch sijn erve dair bij niet bescadicht en wordde/ Et proinde obligaveru(n)t titulo iusti subpignor(is) d(i)c(t)a/ eor(um) bona de quo sat(isfacere) et war(andizare) sub valo(r)e octo/ florenor(um) renen(sium) tamq(uam) prout Ende sulle(n) mits/ des(en) versmelten doot ende te nyeute sijn alle alsulk(en)/ questien geschillen ende diffe(re)ntien als de voirs(creven)/ wijlen jan promp ende jan breeman aengaen(de) huer(er)/ voirs(creven) beyder erve(n) voirtijts gehadt moegen hebben/ tegen malcande(re)n uuytstaen(de) ende oick alsulk(en) uuytsprake/ als tande(re)n tijden tusschen hen d(air)op uutgesproken es/ geweest Geloven(de) elc van hen voir hem sijne(n) erven/ ende naecomeling(en) besitte(re)n van hue(re)n voirs(creven) erven/ alle pointe(n) conditie(n) ende erfvorweerden voirs(creven) vast/ gestentich ende van weerden te houden tot eeuwigen/ dagen ende contrarie vande(n) inhouden(e) vande(n) selve(n)/ malcande(re)n ne(m)mermeer aente spreken te vexe(re)n noch/ te moeyen in gheene(n) rechte gheestelijc noch weerlijc/ bij hen selve(n) noch nieman(de) anders sed war(andizare) erga/ quoscu(m)q(ue) prout cor(am) berghe naus(nijdere) nove(m)br(is) xix