Want jan van thienen alse geleydt nae des(er) stad/ recht voir sijn wettich gebreck uut crachte van/ scepen(en) brieve(n) van loeven(e) tot alle den goeden/ beyde have ende erve peeters rogiers en(de) robeerts/ rogiers sijns soens soe wair die geleg(en) sijn/ hem met [vacat] vorste(r) bynne(n) des(er)/ stadt alle deselve goede heeft doen leve(re)n ende/ oft zij teg(en) de voirs(creven) leveri(n)ge hadden willen allige(re)n/ dach van rechte op heden dienen(de) alh(ier) te compare(re)n/ inde banck voir meye(r) ende scepen(en) van loeven(e)/ doen bescheyden aldair de voirs(creven) peet(er) niet en/ is gecompareert anders dan robbeert den voirs(creven)/ geleyden compare(re)nde ende trecht voirts versueken(de)/ Soe hebbe(n) de scepen(en) van loeven(e) t(er) maniss(en) smeyers/ nae dat hen behoirlijck gebleke(n) was de leveri(n)ge/ en(de) dachbescheydinge bijden voirs(creven) [vacat]/ geschiet te zijne gewesen met vo(n)nisse datmen/ den voirs(creven) geleydden vande(n) goeden des voirs(creven)/ peet(er)s houden soude inde macht van sijne(n) scepen(en)/ brieven soe v(er)re het noch voir hen scepen(en) come(n)/ wa(r)e cor(am) eisdem