It(em) es de voirs(creven) guedinge geschiet te meerder vestich(eit)/ vanden voirs(creven) drie mudden corens ende te dier meyni(n)g(en)/ dat de voirs(creven) p(er)soene(n) den selve(n) pacht sulle(n) moegen/ verhalen opten voirs(creven) janne metten voirs(creven) bekynbrieve/ oft aen de voirs(creven) vie(r) rins guld(en) erflijck mett(er) voirs(creven)/ gueding(e) behalve(n) dat de voirs(creven) jan altijt met eene(n)/ betalen(e) gestaen sal Heeft noch geloeft de selve jan/ soe verre de voirs(creven) vie(r) rins guld(en) naemaels niet/ goetgenoech en wa(r)en voir de voirs(creven) iii mudden/ corens noch toepande oft rinte(n) dair voe(r) goetgenoech/ sijnde te stellen(e) ende te dier meyni(n)gen sulle(n) sij/ oick moegen wercken mette(n) voirs(creven) bekynbrieve/ alst hen gelieve(n) sal ende de voirs(creven) drie mudden/ corens bewesen oft afgeleet sal de voirs(creven) guedi(n)ge/ te nyeute sijn eisd(em)