Villicus lovanien(sis) median(tibus) scabinis lovanien(sibus)/ adduxit joh(ann)em lippevelt t(am)q(uam) pro c(u)r(t)em? d(omi)ni/ et m(a)g(ist)ri nicholai le pa(n)nechier de binchio ad/ omnia et si(n)gula bona i(m)mobilia et hered(itari)[a]/ henrici bollens et el(isabe)t goetsoens d(i)c(t)e promp/ quocu(m)q(ue) nomi(n)e censeantur ac ubicu(m)q(ue) locor(um) sit(a)/ pro cert(is) r(e)cognition(ibus) et promission(ibus) conscript(is)/ in l(itte)ris scabinor(um) lovan(iensium) quaru(m) tenor sequitur/ in hec verba Cond zij allen lieden dat henrick/ bollens en(de) lijsbeth(en) goetsoene geheeten promp/ docht(er) wijlen jans zijne huysvrouwe hebben/ opgedragen met wettig(er) verthijenissen een/ stuck erfs oft hoefs dair voe(r) een cleyn huysken/ plach op te staen(e) welc erve als nu met eene(n)/ nyewen muere en(de) eendercame(re)n dair bove(n) staen(de)/ afgesloten is met oic eend(er) came(re)n comen(de) boven/ een cleyn stalleken welc stalleken onder/ de voirs(creven) gehuysschen te henweert behouden sulle(n)/ in welcken stal eenen oven gemaict sal wordde(n)/ strecken(de) hem den voirs(creven) muer van aen derve/ toebehoiren(de) der herberghe(n) geheten den hert tot aen/ derve jans breeman line? richte met oic den/ rechte dwelc de voirs(creven) gehuysschen hadden met/ balcken anke(re)n en(de) ande(re)n ty(m)meringen te moegen/ varen en(de) vesten inden muer toebehoiren(de) der/ voirs(creven) herberghe(n) geheeten den hert gelijc tselve/ erve belegen is achter der selver gehuysschen/ erve nu geheeten cardinaelschoet gelegen inde/ hoelstrate tusschen de voirs(creven) herberghe geheeten/ den hert ter eenre en(de) den goeden jans breeman/ cup(er)s en(de) de pedagogie geheeten den valke ter/ ande(re) zijden comen(de) tot aen eenen muer/ toebehoiren(de) der pedagogien geheeten de lilye/ Ende den voirs(creven) gehuysschen bij ordene van/ rechte dair uuyt ontgoet en(de) onterft zijnde/ Soe es int voirs(creven) erve metten erffeliken rechte/ gegoet en(de) geerft meest(er) claes de pa(n)nethier
//
van bins meest(er) in arten en(de) bacelier in beiden/ rechten bij manissen en(de) orlove shee(re)n vanden gronde/ en(de) wijsdo(m)me der scepen(en) van loeven(en) met/ condicien en(de) voirw(er)den hier inne tusschen den/ voirs(creven) hee(re)n en(de) meeste(re)n claese en(de) den voirs(creven)/ gehuysschen ondersproken dat de voirs(creven) meest(er) claes/ met zijnd(er) ty(m)meringen opden voirs(creven) nyewen/ muer soe hooge sal moegen opvae(re)n alst hem/ belieft behalven dat de voirs(creven) meest(er) claes/ de vynste(re)n inden selve(n) muer staen(de) ten erve/ weert der voirs(creven) gehuysschen met yse(re)n g(er)den/ sal v(er)calu(m)pnen alsoe dat den voirs(creven) gehuysschen/ dair bij gheen hind(er) comen en sal Ende en sullen/ de voirs(creven) gehuysschen noch hue(re) naecomelinge/ op hue(re) erve niet moegen ty(m)me(re)n oft metsen/ d(aer)mede zij dlicht des voirs(creven) meeste(re)n claes soude(n)/ beneme(n) oft beco(m)me(re)n in enig(er) manie(re)n Item/ is vort voirwerde dat de voirs(creven) meest(er) claes/ dwater van zijnen voirs(creven) erve comen(de) sal moege(n)/ leide(n) doir een gat onder den voirs(creven) muer/ doircomen(de) langs den erve der voirs(creven) gehuyssche(n)/ en(de) van daer sullen de selve gehuysschen sculdich zijn/ vort teleiden aen den muer vand(en) voirs(creven) herberghen/ geheeten den hert voe(r) ter straten uut en(de) dat dat/ aldair zijne(n) loop sal hebben en(de) behouden tot ewigen/ dagen Ende oft den voirs(creven) meeste(re)n claese in des/ voirs(creven) is yet te luttel oft te nauwe wae(re) geschiet/ dat hebben de voirs(creven) gehuysschen altijt geloeft/ te voldoen(e) Ende tvoirs(creven) erve tot ewigen dagen/ los en(de) vry te houden en(de) scadeloes tontheffen/ van allen chijsen co(m)me(re)n en(de) lasten van voe(r)/ uuten voirs(creven) erve en(de) den ande(re)n erve der voirs(creven)/ gehuysschen gaen(de) oft dair voe(r) tselve belast/ oft veronderpant mach zijn Ende daer voere/ hebben zij verobligeert en(de) tonderpande gestelt/ met orlove shee(re)n vand(en) gronde in tittle/ title van wettigen onderpandt tvoirs(creven) hue(r)
//
huys metten toebehoirte(n) geheeten cardinaelshoet/ van welken onderpande de voirs(creven) gehuysschen/ geloeft hebben den voirs(creven) meeste(re)n claese tot/ zijnd(er) manissen altijt te voldoen(e) soe verre hem/ yet te nauwe gedaen wae(re) alsoe dat den selve(n)/ meeste(re)n claese en(de) zijne(n) naecomelinge(n) tot ewigen/ dagen sal moegen genoech zijn hebben vort/ geloeft de voirs(creven) gehuysschen dat zij tselve/ erve noch oic stalleken ond(er) derve des voirs(creven)/ meeste(re)n claes nu staen(de) niet en sullen/ vercoepen de voirs(creven) meest(er) claes en sal d(aer)af/ de naiste zijn om den selven prijs dat een/ and(er) dat coopen soude hier wae(re)n over meest(er)/ reynier van lyefkenrode en(de) jan van boech(out)/ scepen(en) te loven(en) Gedaen int jaer ons he(re)n/ duysent vierhondert twee en(de) negentich/ opden thienste dach der maent julio Et/ h(abe)ru(n)t querelas hiis int(er)fueru(n)t g(ra)ven borch octobr(is) xx