Sijn bleven en(de) gevallen der voirs(creven) marien de goed(en)/ ende rinte(n) nae bescreve(n) Inden yersten den hamelsbossch/ tusschen de goede servaes vand(en) berghe t(er) eenre ende/ de rintm(eeste)r van dyest t(er) ande(r) zijden Item dbossch/ geheeten de h(er)toghe tusschen de goeden arnts thijs/ t(er) eenre ende de goede heylwichs ziellens t(er) ande(r)/ zijden Item een stuck erfs tusschen swild(er)sstrate/ en(de) de bekestrate geleg(en) tusschen de goed(en) daneels/ v(er)soiert t(er) eenre ende jans vanden kerckhove t(er) ande(r) zijd(en)/ Item een(en) bossch geheet(en) clortsbossch tusschen de goed(en)/ hee(re)n jans criekele t(er) eenre ende die vand(er) eycken t(er) ande(r)/ zijden Item een boende(r) bossch geleg(en) aend(en) love(n)ssche(n)wech/ tusschen lynken(en) vand(en) opstalle t(er) eenre ende den/ wyngaird henricx vand(er) schue(re)n Item den selven/ wyngaird oick te mariens deele gevalle(n) tusschen/ de goed(en) arnts thijs t(er) eenre zijden Item een(en)/ bossche geleg(en) bijden scuyerwouwe(r) tusschen den
//
diestschen wech t(er) eenre ende tpanhuys aldair t(er) ande(r) zijd(en)/ Item tgeleghe alsoe dat jan theeus vader der voirs(creven)/ kynde(re)n w houden(de) was inde rootcapruynhove shee(re)n/ strate aldair t(er) eenre ende arnts van scadebroeck t(er) ande(r)/ zijden Item noch drie sillen lants gelegen inde/ selve hove tusschen de goeden henricx vander/ hoeven t(er) eenre en(de) jans v(er)soiert t(er) ande(r) zijden Item/ noch een sille lants geleg(en) inde selve hove tusschen/ de goede jans stockens t(er) eenre ende reyners goethuys/ t(er) ande(r) zijden Item noch i sille opte(n) ma(n)ne(n)berch tusschen/ de goed(en) henricx inden have t(er) eenre en(de) jans mathijs/ t(er) ande(r) zijden Item i(½) sille lants geleg(en) opd(en) steewech/ aldair men te loven werts gaet tusschen de goed(en)/ wout(er)s coremans t(er) eenre en(de) de goed(en) jans theeus/ ter ande(r) zijden Item een sille lants aenden groote(n) loobossch/ tusschen de goede denijs matheeus t(er) eenre en(de) willems/ v(er)soiert t(er) ande(r) zijden Item noch i boend(er) opt scoend(er)broecxken/ velt gelege(n) boven de hoelbeke tussche(n) de goed(en) sgodshuys/ van sichen(en) en(de) pet(er)s saield(en) t(er) ande(r) zijd(en) Item noch/ een sille aend(en) baerdaensstrate tusschen clere van/ rayssenrode t(er) eenre ende willems v(er)soiert t(er) ande(r) zijd(en)/ Item noch iii sillen eeussels geleg(en) tscoend(er)brueken/ tussche(n) fastrarts vand(er) crefte t(er) eenre ende janne vanden/ kerckhove t(er) ande(r) zijden Item noch i bosschelken geleg(en)/neven bened(en) den boog(ar)t bij janne vroientmairts Item/ noch de helicht vand(en) scaetberghe boven opden/ cop It(em) noch de helicht vand(en) bosselbossch alsoe jan theeus/ dien gehoude(n) heeft Item noch (½) zille lants ond(er) den/ manne(n)berch geleg(en) tussche(n) de goed(en) denijs matheeus/ t(er) eenre ende den diestschen wech aldair t(er) ande(r) zijd(en)
//
Item noch i sille erfs gelegen int biese(n)eeussel/ tusschen janne vand(en) kerckhove t(er) eenre ende ja(n)ne/ crikels ter ande(r) zijden Item aen romboulde/ bruyni(n)cx twintich stuv(er)s Item aen mychiele(n) swi(n)ne(n)/ xx stuv(er)s Item aen janne van hoedonck x(½) stuv(er)s/ Item aen denijse van hellegate xvi stuv(er)s/ Item aen denijse theeus xviii stuv(er)s Item aende/ stadt van diest xi guld(en) vallen(de) ind(en) meye al erfflijc/ Item noch aen henricke swi(n)nen (½) mudde lijftocht(en) It(em) noch/ aen henricke thijs vii halste(re)n rogs oick lijftochten/ hanc quoq(ue) p(ar)t(ificatio)[ne(m)] et sat(is) prout eisd(em)